لۋكاشەنكو 9- مامىردا ماسكەۋگە بارۋدان باس تارتتى
ول سول كۇنى مينسكىدە مەرەكەلىك پارادقا قاتىسادى. بۇل تۋرالى ءساۋىردىڭ 18- كۇنى جۋرناليستەرگە لۋكاشەنكونىڭ ءوزى مالىمدەگەن.
ءوز ايتۋىنشا، ول «بۇل جەڭىستى باعالايتىن ورىس حالقى جانە وزگەلەرمەن بىرگە ىنتىماقتاستىق تانىتۋ» ءۇشىن رەسەي استاناسىنا 7-8- مامىردا بولۋدى جوسپارلاپ وتىر.
سونىمەن بىرگە لۋكاشەنكو ماسكەۋدەگى مەرەكەگە قاتىسۋدان «امبيتسيالارىنا بولا باس تارتقان» ساياساتكەرلەردى قولدامايتىنىن ايتقان. «ونداي شارالار ءوز مەملەكەتتەرىندە وتەتىنى سەبەپتى بارا الماۋدىڭ ءجونى ءبىر باسقا، ءبىراق بۇنى رەسەيگە قارسى شىعۋ ماقساتىمەن عانا جاساۋ دۇرىس ەمەس» دەگەن ول.
مامىردىڭ 9 ى كۇنى ماسكەۋدە وتەتىن جەڭىس كۇنى پارادىنا 20 دان اسا ەلدىڭ وكىلدەرى كەلەتىندەرىن راستاعان. ولاردىڭ اراسىندا قىتاي، سولتۇستىك كورەيا، ءۇندىستان بار.
ال الەمدەگى كوپتەگەن ەلدەردىڭ باسشىلارى، اتاپ ايتقاندا ا ق ش پرەزيدەنتى باراك وباما، ۇلى بريتانيا پرەمەر-ءمينيسترى دەۆيد كەمەرون، نيدەرلاند كورولى ۆيللەم-الەكساندر جانە پرەمەر-ءمينيسترى مارك ريۋتتە، نورۆەگيا ۇكىمەتىنىڭ جەتەكشىسى ەرنا سولبەرگ، فينليانديا پرەزيدەنتى ساۋلي نينيستە، پولشا پرەزيدەنتى برونيسلاۆ كوموروۆسكي جانە باسقالار ماسكەۋدەگى مەرەكەلىك شاراعا قاتىسا المايتىندارىن بىلدىرگەن.
ەۋروپا كەڭەسىنىڭ ءتوراعاسى دونالد تۋسك «ۋكراينانىڭ شىعىسىندا بەيبىت ەلگە قارۋ قولدانعان اداممەن اسكەري پارادتا قاتار تۇرعىسى كەلمەيتىنىن» مالىمدەگەن.
رەسەي ۋكراينانىڭ شىعىسىندا سەپاراتيستەرگە قولداۋ كورسەتىپ وتىر دەگەن باتىس ەلدەرى مەن كيەۆتىڭ ايىپتاۋلارىن ماسكەۋ جوققا شىعارىپ كەلەدى.
«ازاتتىق»
