ق ر پرەزيدەنتتىگىنە كانديداتتار سانى 9 ادامعا جەتتى

بۇل تۋرالى بۇگىن ق ر ورتالىق سايلاۋ كوميسسياسىنىڭ حاتشىسى باقىت مەلدەشيەۆ ءمالىم ەتتى.

 ونىڭ اتاپ وتۋىنشە، كانديداتتاردىڭ 8 ى ءوزىن ءوزى ۇسىنسا، ءبىر ازامات قازاقستاننىڭ كوممۋنيستىك حالىق پارتياسى اتىنان كەزەكتەن تىس پرەزيدەنتتىك سايلاۋعا ءتۇسىپ وتىر. «قازىرگى ۋاقىتتا ءوز كانديداتۋراسىن 9 ادام ۇسىندى. ونىڭ ءبىرى ءدال قازىرگى ۋاقىتتا مەملەكەتتىك ءتىلدى ەركىن مەڭگەرگەندىگىن دالەلدەۋ سىناعىن تاپسىرۋدا»، - دەدى ب. مەلدەشيەۆ.

«5 - ناۋرىزدا ق ر پرەزيدەنتىنە كانديدات رەتىندە 9 ادام تىركەلدى. اسقار جوراباي ۇلى سىرعابايەۆ 1959 - جىلى دۇنيەگە كەلگەن، جەكە كاسىپكەر. استانا قالاسىندا تۇرادى. ءوزىن-ءوزى ۇسىنىپ وتىر. سافيوللا قالاباي ۇلى الداجانوۆ 1962 - جىلى دۇنيەگە كەلگەن. ۋاقىتشا جۇمىسسىز، استانا قالاسىندا تۇرادى. ءوزىن-ءوزى ۇسىنعان. ليمانا قويشيەۆا 1969 - جىلى دۇنيەگە كەلگەن، «رۋحاني قوعام الەمى» قوعامدىق ۇيىمىنىڭ پرەزيدەنتى.

استانا قالاسىندا تۇرادى، ءوزىن-ءوزى ۇسىنعان. باقىت تولەگەن ۇلى ابدۋكاريموۆ 1977 - جىلى دۇنيەگە كەلگەن، «JH- قۇرىلىس» ج ش س- نىڭ ينجەنەر قۇرىلىسشىسى. ءوزىن-ءوزى ۇسىنعان، استانا قالاسىندا تۇرادى. سۋحراب امينجان ۇلى مىرزاشوۆ 1984 - جىلى دۇنيەگە كەلگەن. «JH- قۇرىلىس» ج ش س- نىڭ جۇرگىزۋشىسى. استانا قالاسىندا تۇراتىن بۇل ازامات تا ءوزىن-ءوزى ۇسىنىپ وتىر.

ەسەنبەك ۋكتەشبايەۆ 1958 - جىلى دۇنيەگە كەلگەن. قوعام قايراتكەرى، الماتى قالاسىندا تۇرادى. ءوزىن-ءوزى ۇسىنىپ وتىر. ياكوبجان جۇنىسبەكوۆ 1946 -جىلى دۇنيەگە كەلگەن، زەينەتكەر. تۇرعىن سىزدىقوۆ 1947 - جىلى دۇنيەگە كەلگەن. مەملەكەتتىك، بانكتىك جانە قوعامدىق قىزمەت كورسەتۋ مەكەمەلەرى وداعى اقمولا وبلىستىق فيليالىنىڭ ءتوراعاسى.

بۇل ازاماتتىڭ كانديداتۋراسىن «قازاقستاننىڭ كوممۋنيستىك حالىق پارتياسى» قوعامدىق بىرلەستىگى ۇسىنىپ وتىر.

ەڭ سوڭعى، قازىر عانا تىركەلگەن ازامات جۇمان قانات توقتار ۇلى 1969 - جىلى دۇنيەگە كەلگەن. «استانا مۇناي گرۋپپ 2007» ج ش س جانارماي قۇيۋ بەكەتتەرىنىڭ باستىعى. استانا قالاسىندا تۇرادى، ءوزىن- ءوزى ۇسىنعان»، - دەدى و س ك حاتشىسى.

اۆتور: مارلان جيەمباي