تانىسىن 9 ميلليون تەڭگەگە وتىرعىزعان الاياق الىسقا ۇزاي المادى

ورال. قازاقپارات - ب ق و ءبورلى اۋداندىق سوتى اقساي قالاسىنىڭ تۇرعىنى - ايەل ادامدى ق ر ق ك 182-بابى 2-بولىگى «ب» تارماقشاسىمەن ايىپتى دەپ تاۋىپ، مۇلكىن تاركىلەۋمەن بىرگە ءۇش جىل باس بوستاندىعىنان ايىرۋ جازاسىن تاعايىندادى.

ب ق و سوتىنىڭ باسپا ءسوز قىزمەتىنەن تۇسكەن مالىمەتكە قاراعاندا، «ق ر مەملەكەتتىك تاۋەلسىزدىگىنىڭ جيىرما جىلدىعىنا بايلانىستى راقىمشىلىق جاساۋ تۋرالى» ق ر زاڭىنا سايكەس سوتتالۋشى جازادان بوساتىلدى. كەپىل تۇرىندەگى بۇلتارتپاۋ شاراسى ۇكىم زاڭدى كۇشىنە ەنگەنگە دەيىن كۇشىندە قالدىرىلدى. ۇكىم زاڭدى كۇشىنە ەنگەن سوڭ «Hyundai Santa Fe» ماركالى اۆتوكولىك كەپىلگە بەرۋشىگە قايتارىلادى. سوت سوتتالۋشىدان جابىرلەنۋشىنىڭ پايداسىنا 9 ميلليون تەڭگە جانە مەملەكەتتىك باج سالىعى ەسەبىندە مەملەكەتتىڭ پايداسىنا 90 مىڭ تەڭگە ءوندىردى.

سوت تالقىسىندا انىقتالعانىنداي، اقساي قالاسىنىڭ تۇرعىنى تانىسىنىڭ ءۇيى بانكتە كەپىلدە تۇرعانىن بىلە تۇرا، ساتىپ العىسى كەلگەن. تانىس ايەل كەپىلدەگى مۇلىكتى قايتارۋ ءۇشىن 2 ميلليون تەڭگە قارىز سۇراعان. كەيىن ساتىپ الاتىن ۇيمەن تولىق ەسەپتەسۋ كەرەكتىگىن سىلتاۋراتىپ، تاعى 7 ميلليون تەڭگە سۇراپ، ونى دا قاقشىپ العان. الايدا بىرنەشە رەت تەلەفون شالعاندا، اقشا جوق دەپ جاۋاپ العان جابىرلەنۋشى ءوزىنىڭ الدانعانىن ءبىر-اق ءتۇسىنىپ، سوتقا جۇگىنگەن.

اۆتور: ەلجان ەرالى