08:33, 07 - قاراشا 2014 | GMT +5
سەگىز جۇمىسشى قيراعان عيمارات استىندا وپات بولدى، تاعى 9 ى جاراقاتتاندى
استانا. قازاقپارات - كوت-د'يۆۋارداعى عيماراتتى بۇزۋ كەزىندە كەمىندە سەگىز ادامنىڭ ءومىرى قيىلىپ، تاعى توعىز ادام جاراقاتتاندى.
بۇل وقيعا ەلدىڭ ءىرى قالاسى ابيجاندا ورىن الدى.
Agence France Presse حابارلاعانداي، جەرگىلىكتى بيلىك ورىندارىنىڭ مالىمەتىنشە، قاۋىپتى قۇرىلىستاردى بۇزۋ باعدارلاماسىنىڭ اياسىندا 20 ادامنان قۇرالعان بريگادا اتتەكۋبە اۋدانىندا ءتورت قاباتتى عيماراتتى بۇزۋ جۇمىستارىن جۇرگىزىپ جاتقان. سول ساتتە بەلگىسىز سەبەپتەرمەن عيمارات قيراپ قالعان.
بولعان جاعداي تەرگەلىپ جاتىر. عيماراتتى بيلىك ورىندارىمەن جۇمىس جۇرگىزۋگە كەلىسىم شارت جاساسقان جەكەمەنشىك فيرمانىڭ جۇمىسشىلارى بۇزىپ جاتقانى بەلگىلى بولدى.
