بيىل قازاقستاندا حالىقارالىق باعىتتا 9 اۋە رەيسى اشىلماق

سول كەزدە ەل ازاماتتارى بانگكوك پەن پراگاعا تىكەلەي ۇشاتىن بولادى.
ق ر كولىك جانە كوممۋنيكاتسيا ءمينيسترىنىڭ ورىنباسارى ازات بەكتۇروۆ بۇگىن جۋرناليستەرگە وسىلاي دەدى.
جاڭا باعىتتاردىڭ ىشىندە رەسەيدىڭ دە بىرنەشە قالاسىنا ۇشاتىن رەيستەر بار. بۇل رەتتە الىس شەتەلگە جەتكىزەتىن قىزمەتتى Air Astana اۋەكومپانياسى ورىندايدى.
ال Scat اۋەكومپانياسى استانادان چەليابينسكىگە، تومسكىگە جانە اقتاۋدان سوچي، ۆولگوگراد قالالارىنا، سونداي-اق وسكەمەننەن نوۆوسىبىرگە جولاۋشىلار تاسىمالداماق.
ازات بەكتۇروۆ، ق ر كولىك جانە كوممۋنيكاتسيا ءمينيسترىنىڭ ورىنباسارى:
- Air Astana كومپانياسى استانادان بانگكوككە جانە پراگاعا ۇشادى. ال Bek Air كومپانياسى ورالدان ماسكەۋگە جانە سانكت- پەتەربورعا جاڭا رەيس اشىلادى.
ەستەرىڭىزدە بولسا، وسى جىلدىڭ باسىندا ەلىمىزدە وتاندىق Air Kazakhstan اۋەكومپانياسىنىڭ اشىلاتىنى ايتىلعان ەدى. بۇل كومپانيا ەلىمىزدىڭ ىشكى نارىعىنا جۇمىس ىستەيتىن بولادى. قازىر «سامۇرىق-قازىنا» ۇلتتىق ءال- اۋقات قورى» ا ق Bombardier كومپانياسىنان 10 ۇشاق الاتىن بولىپ كەلىسىمگە وتىرعان. ەندى Air Kazakhstan 2015 - جىلدىڭ ەكىنشى جارتىسىندا ىسكە قوسىلماق.
24.kz