جالعان قۇجاتپەن شەكارادان وتپەك بولعاندارعا قاتىستى 99 دەرەك انىقتالدى

استانا. قازاقپارات – ۇ ق ك شەكارا قىزمەتى جىل باسىنان بەرى شەتەلدىك (ءۇندىستان، نيگەريا، تاجىكستان، وزبەكستان جانە رەسەي) جانە قازاقستان ازاماتتارىنىڭ جالعان جانە وزگەنىڭ قۇجاتىن قولدانۋىنىڭ 99 فاكتىسىن انىقتادى، دەپ حابارلايدى قازاقپارات.

«شەكارالىق ايماقتا 4238 شەكارا رەجيمىن بۇزۋشى ۇستالدى، 1,9 ميلليارد تەڭگەگە جاقىن سوماداعى ۆاليۋتا، التىن جانە باسقا تاۋارلاردىڭ تاسىمالدانۋىنا جول بەرىلمەدى.

قارۋ مەن وق- جاراقتى وتكىزۋدىڭ 66 ارەكەتىنىڭ جولى كەسىلدى. زاڭسىز ميگراتسيانىڭ 4 ارناسى بەيتاراپتاندىرىلىپ، بۇل قىلمىسقا قاتىسى بار 6 ادام ۇستالدى»، - دەپ جازدى ۆەدومستۆونىڭ باسپا ءسوز قىزمەتىنەن.

ۇستالعان قۇقىق بۇزۋشىلارعا قاتىستى قازاقستان رەسپۋبليكاسىنىڭ زاڭناماسىنا سايكەس شارالار قابىلداندى.