قازاقستاندىقتاردىڭ 99 پايىز ينتەرنەتپەن قامتاماسىز ەتىلگەن - اسقار مامين
«مەن پاندەميا جاعدايىندا قازاقستان ەكونوميكاسى تۇراقتىلىقتىڭ جوعارى دەڭگەيىن كورسەتكەنىن اتاپ وتكىم كەلەدى. بۇل كوبىنە ساندىق شەشىمدەردىڭ مەملەكەتتىك جانە جەكە سەكتورلاردىڭ بارلىق سالاسىنا ەنۋىنە بايلانىستى. شەكتەۋلەرگە قاراماستان، ءبىز سيفرلىق ينفراقۇرىلىمنىڭ قولجەتىمدىلىگى مەن ساپاسىن جاقسارتۋ بويىنشا بارىنشا جۇمىس ىستەدىك. 2020 -جىلى ءمجا جوباسى اياسىندا 20 مىڭ شاقىرىمدىق تالشىقتى- وپتيكالىق بايلانىس جەلىسىن سالۋدىڭ اياقتادىق. مىڭنان استام ۇيالى بايلانىستىڭ بازالىق ستانسيالارى ورناتىلدى. بۇل ايماقتارداعى تەحنولوگيالىق تەڭسىزدىك دەڭگەيىن ايتارلىقتاي تومەندەتۋگە مۇمكىندىك بەردى. ناتيجەسىندە، بۇگىندە قازاقستان حالقىن ينتەرنەتپەن قامتۋ %99 قۇرايدى»، - دەدى اسقار مامين Digital Almaty 2021 اياسىندا.
ۇكىمەت باسشىسى ءوز سوزىندە مەملەكەتتىك مەكەمەلەردىڭ سيفرلىق شەشىمدەردى جەدەلدەتىپ ەنگىزۋى قازىرگى جاعدايدا اسا قاجەت ەكەندىگىن اتاپ ءوتتى. سونىمەن قاتار، ول قاشىقتان وقىتۋ مەن جۇمىس ىستەۋ فورماتى كىرىستىڭ ازايۋىنا ءومىر ءسۇرۋ ساپاسىنىڭ تومەندەۋىنە كەدەرگى كەلتىرۋىنە جول بەرمەۋ قاجەتتىگىن دە تىلگە تيەك ەتتى.
«ءبىز سيفرلىق ەكونوميكانىڭ بۇرىن- سوڭدى بولماعان وسۋىنە كۋا بولدىق. دۇنيەجۇزىلىك قارجى ينستيتۋتتارىنىڭ مالىمەتتەرى بويىنشا 2020 -جىلى IT- تەحنولوگياعا جۇمسالعان قارجى كولەمى 3,9 تريلليون دوللاردان استى»، - دەدى اسقار مامين.
