پاۆلودار وبلىسىندا 99 - مەشىت اشىلدى
بۇل وبلىستاعى 99-شى، ال قالاداعى 7- مەشىت، دەپ حابارلايدى pavlodarnews.kz.
مەشىتتىڭ اشىلۋ سالتاناتى ءماشھۇر ءجۇسىپ ورتىلىق مەشىتىنىڭ يمامى داۋلەت رۇستەموۆتىڭ قۇران وقۋىمەن باستالدى. ودان كەيىن ايتىسكەر اقىن ابزال قابدراش جاڭا اللانىڭ ۇيىنە ارناۋ جىرىن ايتتى.
قازاقستان مۇسىلماندارى ءدىني باسقارماسىنان ارنايى كەلگەن ساعيتحان قاجى داۋلەديار پاۆلودارلىقتارعا باس ءمۇفتي ەرجان قاجى مالعاجى ۇلىنىڭ سالەمىن جەتكىزىپ، جاڭا مەشىتتىڭ اشىلۋىمەن قۇتتىقتادى. ال ق م د ب- نىڭ پاۆلودار وبلىسى بويىنشا وكىلى، ءماشھۇر ءجۇسىپ ورتالىق مەشىتىنىڭ باس يمامى ناريمان يسەنوۆ ءوز كەزەگىندە وسى مەشىتتىڭ بوي كوتەرۋىنە قولداۋ بىلدىرگەن قالا اكىمى نۇرجان اشىمبەتوۆكە العىسىن ءبىلدىردى. سونداي- اق، اللا ۇيىنە دەمەۋشىلىك جاساعان جەرگىلىكتى كاسىپكەرلەر بەرىك جانە سەرىك ومارحاندارعا ريزاشىلىعىن ءبىلدىرىپ، ۇلكەن قۇران كىتاپ سىيلادى.
«قاسيەتتى جۇمادا اشىلعان اللانىڭ ءۇيى ءزاۋلىم مەشىتىمىز قۇتتى بولسىن. بۇل ومىرگە كەلگەن ءاربىر ادام وسىنداي ساۋاپتى ءىس جاساۋدى ارماندايدى. ادام بالاسى تىرىسىندە وسىنداي ءزاۋلىم پەشىت سالسا، انا دۇنيەگە بارعاندا اللا وعان ءزاۋلىم ساراي سالىپ بەرەدى ەكەن. سوندىقتان وسىنداي ساۋاپتى ءىس جاساعان باۋىرلارىمىزعا بارشا جاماعات اتىنان العىس ايتامىن. جاڭا قۇلشىلىق ءۇيىنىڭ اتاۋى ايگىلى ءتورت حاليفانىڭ ءبىرى، ومار حازرەتتىڭ قۇرمەتىنە «ومار ءال- فارۋح» دەپ اتالعان»، - دەدى ناريمان يمام.
اللا ءۇيىنىڭ قۇرىلىس ساۋلەتى ۇلتتىق ناقىشپەن تۇرعىزىلعان. مەشىتتىڭ ۇلكەن نامازحانا زالى، كىتاپحاناسى، ەكى ءدارىسحاناسى، ءبىر ۇلكەن ايەلدەر زالى، نەكە جانە يمامدار بولمەسى بار. سونىمەن قاتار، جاماعاتتارعا ارنالعان 150 ورىندىق اۆتوتۇراق بولىنگەن جانە مەشىت اۋلاسىنا اسحانا سالۋ قاراستىرىلعان.
ايتا كەتەيىك، جاڭا مەشىتتىڭ باس يمامى بولىپ ق م د ب بۇيرىعىمەن حاسان امانقۇلوۆ بەكىتىلدى. اشىلۋ سالتاناتىنان كەيىن جينالعاندارعا ۋاعىز ايتىپ، العاشقى جۇما نامازىن وتكىزدى.
