قىتايلىق جىگىت 99 قاربىزدىڭ كومەگىمەن ماحابباتىن قايتارماق بولدى
استانا. قازاقپارات - قىتايلىق ستۋدەنت بالاۋىزشامدار جاعىلعان تورت پەن قاربىزداردىڭ كومەگىمەن ءوزىنىڭ سۇيگەن قىزىن قايتارۋعا ارەكەتتەردى دەپ حابارلايدى، Dahe Daily.
جىڭجوۋ قالاسىندا ينجەنەر ماماندىعىندا وقيتىن ستۋدەنت ءوزىنىڭ دوسىنان فۋرگونمەن قاربىزداردى جەتكىزىپ بەرۋىن وتىنگەن. سوسىن دوسى جەتكىزگەن قاربىزداردى كامپۋستىڭ سپورت الاڭىنا ءتىزىپ قويا باستاعان. قاربىزداردىڭ جانىنا ول بالاۋىز شامدار جاعىلعان تورت قويۋدى دا ۇمىتپاعان.
جينالعان جۇرتقا ول جاقىندا عانا قىزىمەن اراداعى قاتىناسىن ۇزگەنىن، الايدا ونىمەن قايتا قوسىلعىسى كەلەتىنىن ايتىپ تۇسىندىرگەن. جاس جىگىت قىزعا حابارلاسقان، ءبىراق ول كەلمەدى.
وسىنىڭ ءبارى باستالعاننان سوڭ 10 مينۋت وتكەننەن كەيىن كۇزەتشىلەر جينالعان جۇرتتىڭ تارقاۋىن وتىنگەن. ماحابباتتا جولى بولماعان جىگىتتىڭ دوستارىنىڭ ءبىرى جينالعان جۇرتقا قاربىزداردى تاراتىپ بەرىپ، وزدەرىمەن بىرگە الىپ كەتۋلەرىن وتىنگەن.
ءىستىڭ ءمان-جايىندا جاس جىگىتتىڭ نەلىكتەن 99 قاربىز ءوزىنىڭ ماحابباتىنىڭ قايتا ورالۋىنا كومەكتەسەدى دەپ ويلاعانىنىڭ سىرى اشىپ كورسەتىلمەگەن.
دەرەككوزى: https://lenta.ru
