سىيىمدىلىعى 998 توننالىق جاپون تانكەرى تەڭىزگە باتىپ كەتتى

استانا. قازاقپارات - وقىس وقيعا حونسيۋ ارالىنىڭ حيمەدزي پورتى ماڭىندا ىشكى جاپون تەڭىزىندە ورىن الدى.

جاپوندىق قۇتقارۋشىلاردىڭ بولجامىنا قاراعاندا، تانكەردەگى جارىلىس جىلۋ رەزەرۆۋارلارىن تاتتان تازارتۋ جانە مۇناي گازىن سەيىلتۋ كەزىندە بولعان.

 ەكيپاجدىڭ 7 مۇشەسى قۇتقارىلدى، 4 ەۋى كۇيىك جاراقاتتارىن الدى. جاپا شەككەندەردىڭ ءبىرىنىڭ حالى اۋىر.

جاعالاۋ كۇزەتى حابارلاعانداي، سىيىمدىلىعى 998 توننا، ۇزىندىعى 85 مەترلىك تانكەردىڭ كاپيتانى ءىز-ءتۇزسىز جوعالىپ كەتكەن.

كورشى پورتقا مازۋت اكەلگەن تانكەر، جارىلىس كەزىندە بوس بولعان.

جاپونيا پرەمەر-ءمينيسترى سيندزو ابە كەڭسەسىندە وقيعاعا قاتىستى داعدارىستىق شتاب قۇرىلدى.