وبلىس اكىمى 99 جاستاعى پاۆلودار تۇرعىنىن 8 -ناۋرىزبەن قۇتتىقتادى

پاۆلودار. قازاقپارات - پاۆلودار وبلىسىنىڭ اكىمى قانات بوزىمبايەۆ قالانىڭ قارت تۇرعىندارىنىڭ ءبىرى الەكساندرا چيركوۆانى 8 -ناۋرىز - حالىقارالىق ايەلدەر كۇنىمەن قۇتتىقتادى.

ول ءبىر ايدان كەيىن 100 جاسقا كەلەدى، - دەپ حابارلادى اكىمدىكتىڭ باسپا ءسوز قىزمەتى.

الەكساندرا چيركوۆا قوناقتارعا ءوز ءومىرى جايلى ايتىپ بەردى. ول التاي ولكەسىندە نوۆو- كرايچيكوۆو اۋىلىندا جۇمىسشى وتباسىندا ومىرگە كەلگەن. ورمان شارۋاشىلىعىندا 16 جاستان باستاپ ەڭبەك ەتكەن. سول جەردە كوپ بالالى انا رەتىندە زەينەتكەرلىككە شىقتى. پاۆلودارعا وتباسىمەن 1975 -جىلى كەلگەن. ول «ەڭبەك ارداگەرى»، «انا مەدالى» ناگرادالارى مەن ەرەن ەڭبەگى ءۇشىن قۇرمەت گراموتاسىن العان.

ا. چيركوۆا - سوعىس ارداگەرى گريگوري چيركوۆتىڭ جەسىرى، 5 بالا تاربيەلەگەن، بۇگىندە نەمەرەلەرى مەن شوبەرەلەرىنىڭ قامقورلىعىندا. بوزىمبايەۆ وعان گۇل شوعى مەن سىيلىق تابىس ەتتى.