استانالىق جۇرگىزۋشى ەكى ايدا 99 مارتە جول ەرەجەسىن بۇزىپ، 2 ميلليون تەڭگە ايىپپۇل ارقالادى
ەلوردادا «قاۋىپسىز جول» جەدەل الدىن الۋ ءىس- شاراسى ءوتىپ جاتىر. اتالعان شارا باستالعاننان بەرى جول ەرەجەسىن بۇزۋدىڭ 3231 دەرەگى انىقتالدى، ونىڭ ىشىندە ماس كۇيىندە 33 جۇرگىزۋشى، كولىك قۇرالىن باسقارۋ قۇقىعى جوق 60 جۇرگىزۋشى جانە اۆتوكولىكتى باسقارۋ قۇقىعىنان ايىرىلعان 6 جۇرگىزۋشى انىقتالدى. كولىك ءتارتىبىن ارتتىرۋدا جول قوزعالىسى ەرەجەلەرىن بۇزۋدى تىركەيتىن اۆتوماتتى جۇيەلەر ماڭىزدى ءرول اتقارادى.
بيىل ەلوردادا «قورعاۋ» موبيلدى قوسىمشاسى ىسكە قوسىلدى. وندا «سەرگەك» جۇيەسى كامەرالارىنىڭ، جەدەل باسقارۋ ورتالىقتارىنىڭ جانە ءى ءى م موبيلدى قوسىمشالارىنىڭ مۇمكىندىكتەرى بىرىكتىرىلگەن. جەدەل الدىن الۋ شاراسى باستالعاننان بەرى «قورعاۋ» قوسىمشاسىن قولدانۋ ارقىلى 286 جۇرگىزۋشىگە اكىمشىلىك قۇقىق بۇزۋ بويىنشا بەرەشەگى تۋرالى حابارلاندى. نۇر- سۇلتان قالاسىنىڭ كوممۋنالدىق تۇراعىنا 129 اۆتوكولىك قويىلدى. سونداي- اق، «سەرگەك» كامەرالارى كوممۋنالدىق تۇراققا قويىلعان «Volvo S40» ماركالى اۆتوكولىكتى تىركەگەن. اۆتوكولىك جۇرگىزۋشىسىنە 2 ميلليون 344 مىڭ تەڭگەدەن استام سوماعا حابارلاما جىبەرىلگەن. وعان 99 تولەنبەگەن ايىپپۇل ەسەپتەلگەنى انىقتالدى، ونىڭ 94- ءى - جىلدامدىق رەجيمىن اسىرعانى ءۇشىن سالىنعان ايىپپۇل.
سونىمەن قاتار، پوليتسەيلەر جۇرگىزۋشىسى بۇرىن كولىك باسقارۋ قۇقىعىنان ايىرىلعان «ۆاز 21150» ماركالى اۆتوكولىگىن توقتاتتى. ونىڭ 2017 -جىلى ماس كۇيىندە كولىك جۇرگىزگەنى ءۇشىن سوت تارتىبىمەن كولىك قۇرالىن باسقارۋ قۇقىعىنان ايىرىلعانى بەلگىلى بولدى. ءتارتىپ بۇزۋشى ق ر ا ق ب ك 612-بابىنىڭ 4-بولىگى بويىنشا اكىمشىلىك جاۋاپكەرشىلىككە تارتىلدى.
رەداكتور جانات قاپالبايەۆا
