تۇركيادا 98 قىتايلىق ۇيعىر ازامات جاساندى قىرعىز قۇجاتتارىمەن ۇستالدى
تۇرىك ب ا ق دەرەكتەرىنە سايكەس قىتاي ازاماتتارى ىستامبۇل اۋەجايىنان سولتۇستىك كيپرعا دەيىن رەيسكە بيلەت العان. ترانزيتتىك زالدا ءتولقۇجاتىن تەكسەرۋ كەزىندە ءتورت بەلگىسىز ازامات قىرعىزستان ازاماتىنىڭ جالعان ءتولقۇجاتىن ۇسىنعان. ولاردىڭ ءارقايسىسى بيلەتكە 2500 ەۋرو، 300 دوللاردان تولەگەن.
قىرعىزستاننىڭ «اتا مەكەن» فراكسياسىنان جوگوركۋ كەنەشىنىڭ دەپۋتاتى المامبەت شىكماماتوۆ بۇگىن وتكەن پارلامەنت وتىرىسىندا قىرعىز ءتولقۇجاتتارىن شەتەلدىكتەرگە ساتۋ حالىقارالىق كريمينالدىق بيزنەسكە اينالىپ بارا جاتقانىن مالىمدەدى. وسى وقيعا جونىندە مەملەكەتتىك ۇلتتىق قاۋىپسىزدىك كوميتەتى مەن مەملەكەتتىك تىركەۋ قىزىمەتى ءبىرىنشى باسشىلارىن تاڭداۋدى ۇسىندى.
«ق ح ر- دىڭ 98 ازاماتى ىستامبۇل اۋەجايىندا جالعان قىرعىز تولقۇجاتىمەن ۇستالدى. بۇل اسا ءىرى توتەنشە وقيعا. بۇرىن 1-2 جاعداي كەزدەسسە، وسى جولى 98 گە جەتكەن. بۇل كانىگى حالىقارالىق كريمينالدىق بيزنەس. بۇل ءبىزدىڭ ازاماتتار ءۇشىن، ەل قاۋىپسىزدىگى ءۇشىن ۇلكەن قاۋىپ»، - دەدى ول.
بۇگىن تۇسكە دەيىن مەملەكەتتىك تىركەۋ قىزمەتىنىڭ ءتوراعاسى تايىربەك سارپاشيەۆ جەدەل ءماجىلىس وتكىزدى. بارىسىندا تۇرىك تاراپىنىڭ ديپلوماتيالىق ارنالارىنان ءتولقۇجات دەرەكتەرىن (سەريا، ءنومىر) سۇراتۋ شەشىمى قابىلداندى.
