11:18, 16 - اقپان 2016 | GMT +5
اتىراۋ وبلىسىندا 98 پايىز حالىق تابيعي گازبەن قامتاماسىز ەتىلدى
اتىراۋ. قازاقپارات - اتىراۋ وبلىسىندا حالىقتى تابيعي گازبەن قامتاماسىز ەتۋ 98 پايىزعا جەتتى، دەپ حابارلادى وبلىستىق اكىمدىكتىڭ باسپا ءسوز قىزمەتى.
«بۇگىندە 79,8 پايىز ەلدى مەكەن نەمەسە وبلىس حالقىنىڭ 98 پايىزى گازداندىرىلدى. 2015-جىلى ماقات اۋدانىندا 10,3 شاقىرىم گاز قۇبىرى جەلىسى تاپسىرىلدى.
«وڭىرلەردى دامىتۋ» باعدارلاماسى اياسىندا قۇرمانعازى اۋدانىنىڭ 13 ەلدى مەكەنى گازداندىرىلدى. 2016-جىلى ۇزىندىعى 110 شاقىرىم يندەر-ماحامبەت اپاتتى ماگيسترالدىق گاز قۇبىرىن اۋىستىرۋ جۇمىستارى اياقتالادى. ازعىر ايماعىنىڭ ەلدى مەكەندەرى ءۇشىن 365 شاقىرىم جوعارى قىسىمدى ماگيسترالدىق جانە كەنتارالىق گاز قۇبىرلارىن تارتۋ بويىنشا جوبالاۋ-سمەتالىق قۇجاتتاما ازىرلەندى»، - دەپ حابارلادى وبلىستىق اكىمدىك باسپا ءسوز قىزمەتىنەن.
