قازاقستاندىقتاردىڭ 98 پايىزى قازاق ەلىنىڭ ازاماتى بولعانىن ماقتان تۇتادى - ە. توعجانوۆ
«سوڭعى الەۋمەتتىك ساۋالنامالارعا سايكەس حالىقتىڭ 98 پايىزى ءبىزدىڭ ەلىمىزدىڭ ازاماتى ەكەندىگىن ماقتان تۇتاتىندىعىن بىلدىرگەن. 95 پايىزى باسقا بارلىق ەتنوستاردىڭ وكىلدەرىنە وڭ كوزقاراستا ەكەندىگىن اتاپ وتكەن»، - دەدى ول.
سونىمەن قاتار ە. توعجانوۆ بۇل بوس ساندار ەمەستىگىن، ەلدەگى شىنايى احۋالدىڭ ناقتى كورىنىسى ەكەندىگىن اتاپ ءوتتى. ەلىمىزدە جۇرگىزىلىپ جاتقان كەشەندى جۇمىستاردىڭ ايقىن ناتيجەسى ەكەندىگىن باسا ايتىپ، بيىلعى جىل قازاقستان حالقى اسسامبلەياسى جىلى ەكەندىگىنە ەرەكشە توقتالدى.
«قازاقستان حالقى اسسامبلەياسىنىڭ جىلى - ول ەلدىكتىڭ، بىرلىكتىڭ، بەيبىتشىلىكتىڭ جىلى. بۇگىنگى فورۋمنىڭ دا ماقساتى بەلگىلى. جالپى، دۇنيەجۇزىندە ءجۇرىپ جاتقان كوپتەگەن ترەندتەر بار. سولاردى تارازىدان وتكىزىپ، ساراپتاپ، ءوز ىشىمىزدە دە كەڭىنەن تالقىلايتىن ۋاقىت جەتتى دەپ ويلايمىن»، - دەدى ول.
اۆتور: مارلان جيەمباي
