ءۇش ايدا كوشى-قون زاڭناماسىن بۇزعان 987 ازامات اكىمشىلىك جاۋاپكەرشىلىككە تارتىلدى

قىزىلوردا. قازاقپارات - جىل باسىنان بەرى كوشى-قون پوليتسياسى قۇرىلىمدارىنىڭ قىزمەتكەرلەرى قىزىلوردا وبلىسى اۋماعىنا ءتۇرلى ماقساتتارمەن كەلگەن 4079 شەتەل ازاماتىن تىركەۋگە الدى.

الايدا ولاردىڭ 987 ءسى قازاقستان رەسپۋبليكاسىنىڭ زاڭناماسىن بۇزعانى ءۇشىن اكىمشىلىك جاۋاپكەرشىلىككە تارتىلسا، 30 شەتەل ازاماتى سوت شەشىمىمەن ەل اۋماعىنان شىعارىلدى.

ال رەسپۋبليكا توڭىرەگىندە شەتەلدىك جۇمىس كۇشىن تارتۋ مەن پايدالانۋ ەرەجەلەرىن بۇزعانى ءۇشىن، شەتەلدىكتەردىڭ كوشى-قون زاڭنامالارىن بۇزۋعا جول بەرگەنى ءۇشىن 94 جەرگىلىكتى تۇرعىنعا ءتيىستى شارالار كوزدەلگەن. بۇل تۋرالى وڭىرلىك ءى ءى د باسپا ءسوز قىزمەتى حابارلادى.

ايتا كەتەرلىك جايت، قازاقستان رەسپۋبليكاسىنىڭ 2013-جىلعى 10- جەلتوقسانداعى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەڭبەك كوشى-قونى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنا سايكەس، جەكە تۇلعالارعا جالدانىپ، جۇمىس جاساۋى ءۇشىن شەتەلدىكتەرگە رۇقسات بەرۋدىڭ جەڭىلدەتىلگەن ءتارتىبى بەلگىلەنگەن بولاتىن.

اتالعان زاڭ قازاقستان رەسپۋبليكاسىمەن ءۇش ايدان از ەمەس مەرزىمگە ۆيزاسىز كىرۋ جانە بولۋ ءتارتىبى بويىنشا كەلىسىم-شارتتار جاساعان ت م د ەلدەرىنىڭ ازاماتتارىنا قاتىستى.

اۆتور: ەلۋباي اۋەزوۆ