ءماجىلىس پەن بارلىق دەڭگەيدەگى ءماسليحات دەپۋتاتتارى سايلاۋىنا وراي 9840 سايلاۋ ۋچاسكەسى ءوز جۇمىسىن باستادى - ق ر و س ك
بۇل تۋرالى بۇگىن ق ر ورتالىق سايلاۋ كوميسسياسىنىڭ مۇشەسى ءلاززات سۇلەيمەن ءمالىم ەتتى.
«بۇگىن 20- ناۋرىز كۇنى تاڭەرتەڭگى ساعات 7 دە ەلىمىزدە پارلامەنت ءماجىلىسىنىڭ دەپۋتاتتارىنا داۋىس بەرۋ باستالدى.
سونىمەن قاتار وبلىستىق، اۋداندىق جانە قالالىق ءماسليحاتتاردىڭ دەپۋتاتتارىنا دا داۋىس بەرۋ باستالىپ وتىر. وسى ۋاقىتقا دەيىن بارلىق دەڭگەيدەگى سايلاۋ كوميسسيالارى، مەملەكەتتىك ورگاندار سايلاۋدى ماتەريالدىق-تەحنيكالىق ۇيىمداستىرۋ جاعىنان قامتاماسىز ەتۋ ءۇشىن بارلىق شارالاردى قابىلدادى. سايلاۋ كوميسسيالارى بۇگىن تولىعىمەن سايلاۋدى وتكىزۋگە جانە داۋىستاردى ساناۋعا دايىن»، - دەدى ول.
ق ر و س ك مۇشەسى جەرگىلىكتى ۋاقىت بويىنشا تاڭعى ساعات 7:00 دەن كەشكى ساعات 20:00 گە دەيىن 9840 سايلاۋ ۋچاسكەسىندە داۋىس بەرۋ وتەتىندىگىن، مۇنان بولەك شەتەلدە 65 سايلاۋ ۋچاسكەسى جۇمىس ىستەيتىندىگىن اتاپ ءوتتى.
«بۇگىن 9791165 قازاقستاندىق داۋىس بەرۋشىلەر تىزىمىنە ەنگىزىلگەن. سايلاۋشىلار تىزىمىنە ەنگىزىلمەگەن ادامدار ارنايى انىقتاما الىپ كەلەتىن بولسا، بۇل سان ءوسۋى دە مۇمكىن. ۆاشينگتوندا، نيۋ-يوركتا، وتتاۆادا 21- ناۋرىز كۇنى تاڭى ساعات 6 دا سايلاۋ ۋچاسكەلەرى جابىلادى. ورتالىق سايلاۋ كوميسسياسىنىڭ باسپا ءسوز ورتالىعى ب ا ق وكىلدەرىنە كۇنى بويى جەدەل اقپاراتتار بەرۋگە دايىن»، - دەدى ل. سۇلەيمەن.
ايتا كەتەيىك، ساياسي دوداعا بارلىعى التى پارتيا - «نۇر وتان» پارتياسى، قازاقستاننىڭ «اق جول» دەموكراتيالىق پارتياسى، «اۋىل» حالىقتىق- دەموكراتيالىق پاتريوتتىق پارتياسى، قازاقستان كوممۋنيستىك حالىق پارتياسى، جالپىۇلتتىق سوتسيال- ەموكراتيالىق پارتياسى جانە «بىرلىك» ساياسي پارتياسى قاتىسىپ جاتىر.
پارتيالىق تىزىمدەر بويىنشا سايلاناتىن پارلامەنت ءماجىلىسىنىڭ 98 دەپۋتاتى، سونداي-اق وبلىستىق، استانا، الماتى قالالىق ءماسليحاتتارىنىڭ 550 دەپۋتاتى، قالالىق ءماسليحاتتاردىڭ 625 دەپۋتاتى جانە اۋداندىق ءماسليحاتتاردىڭ 2160 دەپۋتاتى سايلانادى.
ورتالىق سايلاۋ كوميسسياسى ق ر پارلامەنت ءماجىلىسىنىڭ دەپۋتاتتىعىنا ۇمىتكەر رەتىندە التى ساياسي پارتيانىڭ اتىنان 234 كانديداتتى تىركەدى.
ق ر- داعى سايلاۋدى 964 حالىقارالىق بايقاۋشى قاداعالايتىن بولادى. سونىمەن قاتار ول داۋىس بەرۋ بارىسى مەن داۋىستاردى ساناۋ ءراسىمىن بايقاۋعا كانديداتتار مەن پارتيالاردىڭ سەنىم بىلدىرگەن ادامدارى، قوعامدىق بىرلەستىكتەر، ۇ ە ۇ، قازاقستان رەسپۋبليكاسى بۇقارالىق اقپارات قۇرالدارىنىڭ وكىلدەرى قاتىسا الادى.
اۆتور: مارلان جيەمباي
