عالىمدار ادام ورگانيزمىندەگى كوروناۆيرۋستىڭ 97 پايىزىن جوياتىن ءونىمدى انىقتادى

بۇل تۋرالى ۋلما ۋنيۆەرسيتەتىنىڭ مەديتسينا ورتالىعىنىڭ مولەكۋليارلىق ۆيرۋسولوگيا ينستيتۋتىنىڭ عالىمدارىنىڭ زەرتتەۋىندە ايتىلعان. مامانداردىڭ زەرتتەۋ ناتيجەسى bioRxiv جۋرنالىندا جاريالاندى، - دەپ حابارلايدى «مير-24» تەلەارناسى.

تاجىريبە بارىسىندا زەرتتەۋشىلەر تابيعي ونىمدەردى بولمە تەمپەراتۋراسىنداعى ۆيرۋسپەن ارالاستىرىپ، كوروناۆيرۋستىڭ جاعدايىن باقىلاعان.

كوروناۆيرۋستى جانە تۇماۋ ۆيرۋسىنىڭ بەلسەندىلىگىن قارا جەمىستى شەتەننىڭ شىرىنى ازايتاتىنى، ول ادام ورگانيزمىندەگى كوروناۆيرۋستىڭ 97 پايىزىن جوياتىنى انىقتالعان.

انار شىرىنىنىڭ دا ۆيرۋسقا قارسى اسەرى كۇشتى بولىپ شىققان. انار شىرىنىمەن تاماقتى شايۋ ارقىلى COVID-19 پاتوگەنىنىڭ 80 پايىزىن ولتىرۋگە بولادى.

سونداي-اق نەمىس عالىمدارى كوك شاي مەن ايۋبادامنىڭ دا ۆيرۋسقا قارسى اسەرى بارىن ايتادى. مامانداردىڭ سوزىنشە، مۇنداي اسەر ۆيرۋسقا اسەر ەتەتىن قىشقىل ورتا مەن وسىمدىك پوليفەنولدارىنا بايلانىستى.

tengrinews.kz