10:02, 05 - قازان 2021 | GMT +5
نۇر- سۇلتاندا قار جاۋدى: ءبىر تاۋلىكتە 96 جول- كولىك وقيعاسى تىركەلدى
نۇر- سۇلتان. قازاقپارات - اۋا رايىنىڭ قولايسىزدىعىنا جانە قار جاۋۋىنا بايلانىستى جولدا قاۋىپسىز ءجۇرۋ ماقساتىندا نۇر- سۇلتان قالاسىنىڭ پوليتسيا دەپارتامەنتى اۆتوكولىك يەلەرىنە جازعى دوڭگەلەكتەرىن قىسقى شينالارعا اۋىستىرۋعا كەڭەس بەرەدى، دەپ حابارلايدى قازاقپارات.
«سونداي- اق، جولدا وتە مۇقيات جانە اباي بولۋدى، بەلگىلەنگەن جىلدامدىق رەجيمىن قاتاڭ ساقتاۋدى، كولىكتى كىلت تەجەۋدەن اۋلاق بولۋدى، قاشىقتىق پەن بۇيىرلىك ارالىقتى ساقتاۋدى ەسكەرتەمىز»، - دەلىنگەن ەلوردا پ د باسپا ءسوز حابارلاماسىندا.
ەلوردادا ءبىر تاۋلىك ىشىندە 96 جول- كولىك وقيعاسى تىركەلدى.
«جۇرگىزۋشىلەرگە عانا ەمەس، جاياۋ جۇرگىنشىلەرگە دە ەرەكشە نازار اۋدارۋ قاجەت. ءوز قاۋىپسىزدىكتەرىڭىز ءۇشىن قۇلاققاپتاردى الىپ تاستاۋعا جانە جولدى كەسىپ وتكەن كەزدە تەلەفونمەن سويلەسپەۋگە كەڭەس بەرەمىز»، - دەلىنگەن دەپارتامەنت حابارلاماسىندا.
