نيۋ-يوركتەگى تاكسي جۇرگىزۋشىلەرىنىڭ 96 پايىزى - ميگرانتتار
وسىعان دەيىن تاكسيدىڭ رولىنە وتىرۋ ءۇشىن جۇرگىزۋشىلەر اعىلشىن ءتىلىن قانشالىقتى مەڭگەرگەندىگى تۋرالى تەست تاپسىراتىن. ەندى نيۋ-يورك مەرى بيلل دە بلازيو يمميگرانتتارعا جۇمىسقا ورنالاسۋ وڭتايلى بولۋ ءۇشىن بۇل ەمتيحاندى زاڭدى تۇردە الىپ تاستادى، دەپ جازادى 24.kz.
تاكسي جۇرگىزۋشىلەرى بۇعان قۋانىشتى، ال جولاۋشىلار وعان كەرىسىنشە نارازى. ويتكەنى ءتىلدى جەتىك بىلمەگەندىكتەن، تاكسي جۇرگىزۋشىلەرى دىتتەگەن جەرگە جەتكىزە الماي جاتادى. ءتىپتى بۇل جەردە ەلەكتروندى ناۆيگاتور دا كومەكتەسە المايدى.
بۇگىندە نيۋ-يوركتە 144 مىڭ تاكسي جۇرگىزۋشىسى جۇمىس ىستەيدى. ولاردىڭ كوپشىلىگى يسپان تىلىنەن باسقا ءتىلدى بىلمەيدى. سونداي-اق مىڭداعان سارى ءتۇستى تاكسيدىڭ رولىندە وتىرعاندار - وڭتۇستىك ازيادان كەلگەندەر.
دەگەنمەن قالالىق اكىمشىلىك وكىلدەرى تاكسي جۇرگىزۋشىلەرى ءۇشىن اعىلشىن ءتىلىن جەتىك مەڭگەرۋ مىندەتتى ەمەس دەيدى. ماسەلەن، Uber جۇرگىزۋشىلەرى اعىلشىن تىلىنەن تەست ەشقاشان تاپسىرماعان. ءبىراق جۇمىستارىنا ول ەش كەدەرگى كەلتىرمەپتى. جولاۋشىلار دا ازايماعان.
- بۇل - تاكسي جۇرگىزۋشىلەرىنە بەرىلگەن مۇمكىندىك. ءبىز وسىلايشا ورتا تاپتىڭ قاتارىنا قوسىلا الامىز. بۇل ءۇشىن وسى جولداعى كەدەرگىلەردى جويۋىمىز قاجەت، دەيدى نيۋ-يورك قالالىق كەڭەسىنىڭ مۇشەسى ۋدانيس رودريگەس.
