بۇگىن «قازاقپاراتتىڭ» قۇرىلعانىنا 96 جىل تولدى

1925 -جىلى - اگەنتتىك اتى قاز روست بولىپ وزگەرتىلدى. 1937 - جىلى - قازتاگ دەگەن اتپەن قازاق ك س ر مينيسترلەر كەڭەسىنىڭ قاراۋىنا بەرىلدى.
1997 - جىلى قىركۇيەكتىڭ 10-ىندا قازاقستان رەسپۋبليكاسى پرەزيدەنتىنىڭ №3629 جارلىعىمەن «قازاق اقپارات اگەنتتىگى (قاز ا ءا) » رەسپۋبليكالىق قازىنالىق كاسىپورنى بولىپ وزگەرتىلدى. 2002 -جىلى قاراشانىڭ 8-ىندە، قازاقستان رەسپۋبليكاسى ۇكىمەتىنىڭ №1186 قاۋلىسىنا سايكەس قاز ا ءا گ نەگىزىندە «قازاق اقپارات اگەنتتىگى» ۇلتتىق كومپانياسى («قازاقپارات» ۇ ك) قۇرىلدى. 2008 - جىلى شىلدەنىڭ 3-ىندە قازاقستان رەسپۋبليكاسى ۇكىمەتىنىڭ №668 قاۋلىسىنا سايكەس «ارنا مەديا» ۇلتتىق اقپاراتتىق حولدينگى» اكسيونەرلىك قوعامىنىڭ قۇرامىنا كىردى. 2012 - جىلعى تامىزدان 2014 - جىلعا دەيىن «قازاقستان» ر ت ر ك» ا ق قۇرامىندا بولدى. 2014 -جىلدىڭ قاڭتارىندا «قازاقپارات» ەلدە العاشقى حالىقارالىق اقپارات اگەنتتىگى (ح ا ءا) مارتەبەسىنە يە بولىپ، ءوز تاريحىنىڭ جاڭا كەزەڭىن باستادى.
ءار جىلدارى اگەنتتىكتىڭ باسشىلارى بولعاندار: قازتاگ- تىڭ ءبىرىنشى باسشىلارىنىڭ ءبىرى ۆياتيچ- كيريللوۆ اركادي يۆانوۆيچ؛ جۋرناليست، قوعام قايراتكەرى قاسىم ءشارىپوۆ؛ جازۋشى، قوعام قايراتكەرى كاكىمجان قازىبايەۆ؛ جازۋشى، فيلولوگيا عىلىمىنىڭ دوكتورى، قوعام قايراتكەرى جۇماعالي ىسماعۇلوۆ؛ ەڭبەك سىڭىرگەن مادەنيەت قايراتكەرى، قوعام قايراتكەرى، امانگەلدى احمەتالىموۆ؛ پارلامەنتتىڭ اقپاراتتىق- ساراپتامالىق ورتالىعىنىڭ باستاماشىسى جانە اۆتورى مۇرات ارەنوۆ؛ «مير» مەملەكەت ارالىق تەلەراديوكومپانياسىنىڭ نەگىزىن قالاۋشى، حالىقارالىق جۋرناليستيكا اكادەميگى، ق ر پارلامەنتى ءماجىلىسىنىڭ ءۇشىنشى شاقىرىلىم دەپۋتاتى عادىلبەك شالاحمەتوۆ؛ مەملەكەت جانە قوعام قايراتكەرى، دوتسەنت، فيلوسوفيا عىلىمدارىنىڭ كانديداتى وماروۆ جاناي سەيىتجان ۇلى.
قازاق اقپارات اگەنتتىگىندە ءار جىلدارى ەلىمىزدىڭ: ن. ورازبەك، ج. تۇمەنبايەۆ، ا. روتميستروۆسكي، ب. امانعاليەۆ، ن. ىدىرىسوۆ، ۆ. چەركيزوۆ، س. ماشاكوۆ، و. ەركىمبايەۆ، ن. ساۆيتسكايا، ت. داۋلەتوۆ، ت. ەسىلبايەۆ جانە تاعى باسقا تانىمال جۋرناليستەرى، ت. چاپالا، ۆ. ۆەنگلوۆسكي، گ. كوشكينتسيەۆ، ر. دۇيسەنعاليەۆ، ي. بۋدنيەۆيچ سەكىلدى فوتوقىزمەت شەبەرلەرى جۇمىس ىستەدى.
قازاقپارات - ا ت ا ءا ۇ (ازيا جانە تىنىق مۇحيت ەلدەرىنىڭ اقپارات اگەنتتىكتەرى ۇيىمى)، ت م د قاتىسۋشى- مەملەكەتتەرى ۇلتتىق اقپاراتتىق اگەنتتىكتەرى، ت ا ءا ۇ (تۇركى ەلدەرى اقپارات اگەنتتىكتەرى ۇيىمى) سياقتى حالىقارالىق قاۋىمداستىقتاردىڭ، تۇركسوي مادەنيەت جانە ونەردى بىرلەسە دامىتۋ ۇيىمىنىڭ مۇشەسى.
قازاقپارات - ر ا ت ا- ت ا س س، «جاڭالىقتار» ر ا ا، شينحۋا، كابار، بەلتا، ۋكرينفورم، ب ت ا (بولگاريا) ، يونحال (وڭتۇستىك كورەيا) ، ازەرتادج (ءازىربايجان)، «جاڭالىقتار- مولدوۆا» سياقتى جانە باسقا دا كوپتەگەن ءىرى اقپارات اگەنتتىكتەردىڭ سەرىكتەسى.
بۇگىندە اگەنتتىك ت م د اۋماعىندا جۇمىس ىستەيتىن 527 جاڭالىقتار ۆەب- سايتى رەيتينگىندە الدىڭعى قاتارلارعا شىعىپ وتىر.
2005 -جىلدىڭ 6 - جەلتوقسان كۇنى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ «قازاقپارات» ۇلتتىق كومپانياسىندا بولىپ، ونىڭ ارداگەرلەرىن جانە قىزمەتكەرلەرىن اقپاراتتىق اگەنتتىكتىڭ 85 جىلدىق مەرەيتويىمەن قۇتتىقتادى.
پرەزيدەنت «قازتاگ - 85 جىل: تاريح شەجىرەسى» فوتوكورمەسىن كوردى جانە اقپاراتتىق اگەنتتىكتىڭ شىعارماشىلىق جانە تەحنيكالىق قىزمەتىنىڭ جۇمىسىمەن تانىستى.
جۋرناليستەردى قۇتتىقتاي وتىرىپ، ن. نازاربايەۆ: «بارشاڭىزعا بەلگىلى، مەن بۇقارالىق اقپارات قۇرالدارى وكىلدەرىنە زور قۇرمەتپەن قارايمىن، ولاردىڭ اراسىندا قازاقپارات شىن مانىندە ەرەكشە ورىن الادى»، - دەپ اتاپ ءوتتى.
2004 -جىلى اگەنتتىك پايدالانۋشىلارىنا جاڭالىقتاردى قازاق تىلىنەن لاتىن قارپىنە اكادەميك ءابدۋالي قايداروۆتىڭ ادىسىمەن كوشىرۋدىڭ جاڭا نۇسقاسىن ۇسىندى. بۇل وسى ءادىستى ءىس جۇزىندە قولدانعان العاشقى اقپاراتتىق اگەنتتىك بولدى. سونداي-اق، 2009 -جىلى «قازاقپارات» اگەنتتىگى العاشقى بولىپ، قىتايداعى وتانداستارىمىز ءۇشىن قازاق سايتىنىڭ «توتە جازۋ» (اراب قارپىندەگى) نۇسقاسىن ىسكە قوستى. كيريلليتسا قارپىن وقي المايتىن شەتەلدەردەگى وتانداستارىمىز تاريحي وتانىنداعى بولىپ جاتقان وقيعالاردى ءبىلىپ وتىرۋعا مۇمكىندىك الدى.
«قازاقپارات» جاڭالىقتارى اگەنتتىكتىڭ www.inform.kz ۆەب- سايتى ارقىلى قازاق، ورىس، اعىلشىن، قىتاي تىلدەرىندە تاراتىلادى.
«قازاقپارات» ۇ ك» ا ق- نىڭ نەگىزگى اقپاراتتىق ونىمدەرى، جاڭالىقتار تاسپاسى، ساتىپ الۋشىلارعا جىبەرىلەتىن نەگىزگى اقپاراتتىق توپتامالار: «تاڭعى جارشى»، «رەسمي جارشى»، «قازاقپارات»، «قازاقستان- بيزنەس»، «قازاقپارات- انونس»، «قازاقپارات- فوتو» فوتوجاڭالىقتار تاسپاسى، «اتاۋلى كۇندەر. وقيعالار، ەسىمدەر» اقپاراتتىق كۇنتىزبەسى.
قازىرگى كەزدە قازاقپاراتتىڭ www.foto.inform.kz فوتوسايتى ءوز قىزمەتىن باستادى. www.foto.inform.kz قىزمەتىنىڭ نەگىزگى باعىتى - فوتوونىمدەرىن قاشىقتان ساتۋ. قازاقستاندىق جانە الەمدىك جاڭالىقتاردىڭ جەدەل، شىنايى جانە ەكسكليۋزيۆتى تاسپاسى قازاق، ورىس جانە اعىلشىن تىلدەرىندە، online رەجيمىندە تاراتىلادى.
«قازاقپارات اگەنتتىگى» مەملەكەتتىك قۇرىلىمدار - ق ر پرەزيدەنتى اكىمشىلىگىنىڭ، ۇكىمەتتىڭ، پارلامەنتتىڭ، ايماقتىق وكىمەت ورگاندارىنىڭ، ۇلتتىق، قارجىلىق، ونەركاسىپتىك قۇرىلىمداردىڭ قىزمەتى تۋرالى تولىق جانە دالمە- ءدال اقپاراتتار بەرىپ وتىرادى.
قازاقستاننىڭ، ورتالىق ازيانىڭ بارلىق ايماقتارىنىڭ جانە الەمدىك قوعامداستىقتىڭ الەۋمەتتىك- ەكونوميكالىق جانە قوعامدىق - ساياسي ءومىرىىنىڭ بارلىق سالاسىنان شىنايى جانە ساراپتامالىق اقپاراتتار جەتكىزىلەدى.
كورپوراتيۆتىك جانە جەكە كليەنتتەر ءۇشىن اقپاراتتىق كونسالتينگ، جۇرتشىلىقپەن بايلانىس جونىندەگى باعدارلامالار، ساياسي تەحنولوگيالار، ەكونوميكالىق ساراپتامالىق شولۋلار جانە ماركەتينگتىك ۇسىنبالار بويىنشا سەرۆيستىڭ بارلىق ءتۇرى كورسەتىلەدى.
اگەنتتىكتىڭ ورتالىق كەڭسەسى استانا قالاسىندا ورنالاسقان.
«قازاقپاراتتىڭ» الماتىداعى فيليالى ءىرى مەگاپوليستىڭ، ەلىمىزدىڭ قارجى جانە مادەني ورتالىعىنىڭ تىرشىلىگىنەن جەدەل اقپارات بەرەتىن تاجىريبەلى جۋرناليستەرمەن قامتىلعان.
قازاقپارات ەلمىزدىڭ اۋماعىندا جۇمىس جاسايتىن ءىرى اقپارات اگەنتتىگى، قازاقستانداعى تىلشىلەر جەلىسى تارماقتالعان، ونىڭ ىشىندە بايقوڭىر قالاسى دا بار. بارلىعى 14 تىلشىلەر قوسىنى بار، مەنشىكتى تىلشىلەرى استانا، الماتى، اقتاۋ، اقتوبە، اتىراۋ، بايقوڭىر، قاراعاندى، قوستاناي، قىزىلوردا، پاۆلودار، پەتروپاۆل، تاراز، تالدىقورعان. ورال، وسكەمەن جانە شىمكەنت قالالارىندا. ارناۋلى تىلشىلەر رەسپۋبليكامىزعا ستراتەگيالىق ماڭىزى بار تاياۋ جانە الىس شەتەلدەردىڭ استانالارى مەن قالالارىندا - ماسكەۋ، بەيجىڭ، بريۋسسەل، تاشكەنت، بىشكەك، باكۋ، ءابۋ- دابي، ىستامبۇل، جانە سانكت- پەتەربوردا جۇمىس جاسايدى.
«قازاقپارات» مەملەكەتتىك ورگانداردىڭ قىزمەتى تۋرالى رەسمي اقپاراتتىڭ نەگىزگى كوزى، سونداي- اق ەلدىڭ حالىقارالىق بەدەلىنىڭ وڭ ءيميدجىن قالىپتاستىرۋ، قازاقستاندى الەمدە كەڭىنەن تانىتۋ باعىتىنداعى ەلدىڭ كوپقىرلى ساياسي، ەكونوميكالىق، الەۋمەتتىك جانە مادەني ءومىرىن جەدەل كورسەتىپ وتىرعان - ەلدىڭ باستى اقپاراتتىق اگەنتتىگى. قازاقپارات جاڭالىقتارىن الەمگە تاراتادى.