10:29, 06 - ماۋسىم 2016 | GMT +5
جاپوندىق 96 جاستاعى سيگەمي حيراتا ج و و- نىڭ ەڭ قارت تۇلەگى اتاندى
استانا. قازاقپارات - ديپلومىن قولىنا العان 96 جاستاعى جاپوندىق سيگەمي حيراتا ج و و- نىڭ ەڭ كارى تۇلەگى اتاندى. بۇل تۋرالى ينفورمينگ. رۋ جازدى.
جاپوندىق ازامات ۋنيۆەرسيتەتكە ءتۇسۋ-تۇسپەۋى جايىندا ءومىر بويى ويلانعانىن ايتا كەتۋ كەرەك. اقىرى 85 جاسىندا بالالارى مەن نەمەرەلەرى ونى وقۋعا تۇسۋگە كوندىردى. ەگدە جاستاعى ستۋدەنت كيوتونىڭ ديزاين ۋنيۆەرسيتەتىندە 11 جىل بويى پوەزيانى وقىپ، اقىرى ونىڭ تۇلەگى اتاندى.
ج و و- ى 96 جاسىندا بىتىرگەن جاپوندىق ازامات گيننەستىڭ رەكوردتار كىتابىنا كىرىپ، بۇرىن الفونسو گونسالەس سانالعان ەڭ كارى تۇلەك اتاعىن الدى.
سيگەمي حيراتا بۇل جەتىستىگىمەن شەكتەلمەي، 100 جاسىندا عىلىمي دارەجە الۋدى جوسپارلاپ وتىرعانىن اتاپ وتەيىك.
