وڭتۇستىك كاليفورنيا ۋنيۆەرسيتەتىن 96 جاستاعى ەڭ قارت تۇلەك ءبىتىردى
الفونسو گونسالەس ەكىنشى دۇنيەجۇزىلىك سوعىسقا قاتىسقان. ول ەندى وڭتۇستىك كاليفورنيا ۋنيۆەرسيتەتىنىڭ ەڭ قارت تۇلەگى بولىپ وتىر.
ول وقۋىن 1953-جىلى بىتىرۋگە ءتيىس ەدى، الايدا ەڭبەك ەتىپ جۇرگەندىكتەن، ونىڭ ءساتى تۇسپەدى.
ا ق ش تەڭىز جاياۋ اسكەرى، 1945-جىلى جاپونيادا سوعىسقا قاتىستى، ول 88 جاسىندا تۇپكىلىكتى زەينەتكەرلىككە شىققاننان كەيىن ءۇزىلىپ قالعان وقۋىن اياقتاۋعا بەكىندى.
ۋنيۆەرسيتەت ارداگەردى گەرونتولوگيا مەكتەبىنە قابىلدادى. وندا ادامنىڭ قارتايۋىنىڭ ءارتۇرلى قىرلارى وقىتىلادى. گونسالەسكە وقۋ ورنى ارنايى وقۋ باعدارلاماسىن جاسادى. ول وزىنەن 70 جاس كىشى ستۋدەنتتەرمەن ارالاسادى، 1947-جىلعى ساباققا بارعان سومكەسىنە وقۋ قۇرالدارىن سالىپ الادى.
وڭتۇستىك كاليفورنيا ۋنيۆەرسيتەتىنىڭ دەكانى ارداگەرگە ديپلوم تاپسىرۋ كەزىندە سويلەگەن سوزىندە الفونسو گونسالەس وقىپ-ءبىلىم الۋ قاي ۋاقىتتا دا كەش ەمەس ەكەنىن الەمگە دالەلدەدى، دەپ اتاپ ءوتتى.
