08:46, 29 - جەلتوقسان 2015 | GMT +5
ۇلى بريتانيادا 96 جاستاعى كەمپىر وزىنەن بەس جاس كىشى «جىگىتكە» تۇرمىسقا شىقپاق
استانا. قازاقپارات - ۇلىبريتانيادا 96 جاستاعى اجەي ءوزىنىڭ 91 جاستاعى عاشىعىنىڭ ۇيلەنۋ تۋرالى ۇسىنىسىن قابىل الدى. ولار ۇيلەنۋ تويىن 2016 - جىلدىڭ 16 - قاڭتار كۇنى تويلاۋدى ۇيعارىپ وتىر،
دەپ جازادى شەتەلدىك ب ا ق.
بيلل گريففيتس پەن فلو مارشەلسەي 10 جىلدان بەرى بىرگە، ءبىراق ۇيلەنۋ تۋرالى شەشىمدى ەندى قابىلدادى. 91 جاستاعى كۇيەۋ جىگىت قالىڭدىعىنا ۇيدە شاي ءىشىپ وتىرىپ ۇيلەنۋ تۋرالى ۇسىنىس جاساعان.
بيلل مەن فلونىڭ ۇيلەنۋ تويىنا كەلەتىن تۋىس- تۋعاندارى: ەكەۋىنىكىن قوسقاندا - 5 بالا، 14 نەمەرە مەن 7 شوبەرە.
96 جاستاعى قالىڭدىقتىڭ ايتۋىنشا، ۇيلەنۋ تويىن جاساۋ ەشقاشان دا كەش ەمەس. باقىتتى جۇپ ءبىر- ءبىرىن 30 جىلدان استام ۋاقىت تانيدى ەكەن.
