جانار- جاعارمايدى زاڭسىز شەتەل اسىرماق بولعان 95 كولىك جۇرگىزۋشىسى جازالاندى
بۇل تۋرالى ىشكى ىستەر مينيسترلىگىنىڭ وكىلى شۇعىلا تۇرلىبەك ءمالىم ەتتى، دەپ حابارلايدى قازاقپارات ءتىلشىسى.
«10-ساۋىردەن باستاپ جامبىل جانە تۇركىستان وبلىستارىندا ىشكى ىستەر ورگاندارى كولىكتىك باقىلاۋ ينسپەكتسياسىمەن بىرلەسىپ ەلدەن جانار- جاعارماي ماتەريالدارىن اكەتۋگە جول بەرمەۋ بويىنشا رەيدتىك ءىس- شاراسىن جۇرگىزدى. جانار- جاعارماي تاسىمالداۋدا كولىك قۇرالدارىن پايدالانۋ ەرەجەلەرىن بۇزۋشىلىقتى انىقتاۋ پوليتسيانىڭ ەرەكشە نازارىندا»، - دەدى شۇعىلا تۇرلىبەك ءى ءى م- دە وتكەن بريفينگىدە.
ونىڭ ايتۋىنشا، رەيد بارىسىندا زاڭبۇزۋشىلىقتار انىقتالدى.
«ق ر اكىمشىلىك قۇقىقبۇزۋشىلىق تۋرالى كودەكستىڭ 590-بابىنىڭ 7-بولىگى (رۇقساتسىز جابدىقتالعان كولىك قۇرالىن باسقارۋ) بويىنشا اكىمشىلىك جاۋاپكەرشىلىك كوزدەلگەن. جەدەل الدىن الۋ شاراسىنىڭ قورىتىندىسى بويىنشا جوعارىدا اتالعان باپتى بۇزعانى ءۇشىن 95 جۇرگىزۋشى جاۋاپقا تارتىلدى. 27 اكىمشىلىك ماتەريال بويىنشا كولىك قۇرالىن ودان ءارى پايدالانۋعا تىيىم سالىندى»، - دەيدى ول.
ايتا كەتسەك، قازاقستاندىق پوليسەيلەر وتكەن اپتا ىشىندە كىسى ولىمىنە قاتىستى 7 قىلمىستى اشتى.
سونداي- اق، ەلەكتر ساموكاتپەن جولاۋشى، جۇك تاسۋعا تىيىم سالىناتىنى بەلگىلى بولدى.
