قاڭتار وقيعاسىنان زارداپ شەككەن كاسىپكەرلەردىڭ 95 پايىزى وتەماقىسىن الدى

الماتى. قازاقپارات - الماتىدا قاڭتار ايىنداعى وقيعالاردان كەيىن ساۋدا جانە قىزمەت كورسەتۋ سالاسى قايتا قالپىنا كەلدى.
None
None

ءبىرىنشى توقساننىڭ قورىتىندىسى بويىنشا بولشەك ساۋدا كولەمى - 737,8 ميلليارد تەڭگە، كوتەرمە ساۋدا اينالىمى - 2,4 تريلليون تەڭگەگە جەتتى، دەپ حابارلايدى قازاقپارات ءتىلشىسى.

بۇل تۋرالى الماتى قالالىق كاسىپكەرلىك جانە ينۆەستيتسيالار باسقارماسىنىڭ باسشىسى ەركەبۇلان ورازالين بريفينگتە ايتتى.

«1-توقساننىڭ قورىتىندىسى بويىنشا الماتىنىڭ ەكونوميكالىق ءوسۋ قارقىنى مەن ىسكەرلىك بەلسەندىلىگى قالپىنا كەلە باستادى. ماسەلەن، وسى جىلدىڭ 3 ايىندا قالا %19,18 وسۋگە قولجەتكىزە وتىرىپ، 248 ميلليارد تەڭگەدەن استام ينۆەستيتسيا تارتىلدى. ونەركاسىپ ءونىمىن ءوندىرۋ كولەمى وڭ سەرپىن كورسەتىپ وتىر. 1- توقساندا الماتىدا 387,8 ميلليارد تەڭگەنىڭ ءونىمى ءوندىرىلىپ، 15 پايىزعا ارتقان. وڭدەۋ ونەركاسىبى %18 عا ارتقانىن ەرەكشە اتاپ ءوتۋ كەرەك. بۇل ەڭ الدىمەن ماشينا جاساۋدىڭ بەلسەندى دامۋىنا، ياعني 1,7 ەسە وسۋىنە بايلانىستى»، - دەدى سپيكەر.

سونىمەن قاتار، ول قاڭتارداعى وقيعالاردان كەيىن قالاداعى ساۋدا جانە قىزمەت كورسەتۋ سالاسى دا قايتا قالپىنا كەلە باستاعانىن اتاپ ءوتتى. 1- توقساننىڭ قورىتىندىسى بويىنشا بولشەك ساۋدا كولەمى 737,8 ميلليارد تەڭگە بولسا، كوتەرمە ساۋدا اينالىمى 2,4 تريلليون تەڭگەگە جەتتى.

«وڭىرلىك كوميسسيا بيزنەسكە كەلتىرىلگەن زالالدى وتەۋگە كىرىسكەن بولاتىن، بۇگىنگى تاڭدا كوميسسيا جالپى سوماسى 11 ميلليارد تەڭگەدەن استام 1499 ءوتىنىمدى ماقۇلدادى. زارداپ شەككەن كاسىپكەرلەردىڭ 95 پايىزى وتەماقىسىن الدى، قازىر ولار جۇمىستارىن ىستەپ جاتىر»، - دەدى ەركەبۇلان ورازالين.

قازىر كوميسسيانىڭ قاراۋىندا ساراپتاما جۇرگىزۋدى، ج س ق ازىرلەۋدى جانە راستايتىن قۇجاتتاردى قالپىنا كەلتىرۋدى تالاپ ەتەتىن ەڭ كۇردەلى جاعدايلار قالدى.

«بيزنەسكە كەلگەن زالالدى وتەۋ جۇمىستارىن بيىلعى جىلدىڭ مامىر ايىندا اياقتاۋدى جوسپارلاپ وتىرمىز»، - دەدى ول.

سوڭعى جاڭالىقتار