الەكسەي سوي: كوروناۆيرۋسقا شالدىققانداردىڭ 95 پايىزى - ۆاكسينا الماعاندار

«تالداۋلار ك ۆ ي- ءدى اۋىر وتكەرىپ جاتقان ناۋقاستاردىڭ نەگىزگى ۇلەسى - ۆاكسينا الماعان حالىققا تيەسىلى ەكەنىن كورسەتتى. 1-اقپاننان بەرى ۆاكتسينا الماعان ناۋقاستاردىڭ ك ۆ ي- مەن اۋىرعاندار اراسىنداعى ۇلەسى شامامەن %95 بولىپ وتىر. ال ۆاكسينا العان ازاماتتار %5 عانا. وكپەنى جاساندى جەلدەتۋ اپپاراتىنا جالعانعان ناۋقاستاردىڭ ۇلەسى دە وسىعان ۇقساس - %96 - عا جۋىعى ۆاكسينا الماعان»، - دەگەن مينيستر ۋاقىت بۇل ۆيرۋسپەن كۇرەستە ۆاكتسينادان باسقا ءتيىمدى ءتاسىل جوق ەكەنىن كورسەتكەنىن اتادى.

«بۇل مالىمەتتەر ۆاكسيناتسيانىڭ تيىمدىلىگىن ايقىن كورسەتىپ تۇر. وسىعان بايلانىستى تاعى دا حالىققا جۇگىنىپ، وسى ۋاقىتقا دەيىن ۆاكتسينا الماعان ازاماتتاردى دۇرىس شەشىم قابىلداۋعا شاقىرامىن. بۇل بارىمىزگە ءوز دەنساۋلىعىمىزدى ەمەس، جاقىندارىمىز بەن ارىپتەستەرىمىزدىڭ دەنساۋلىعىن دا ساقتاۋعا مۇمكىندىك بەرەدى»، - دەدى ۆەدومستۆو باسشىسى.