ادامداردىڭ 95 پايىزى ۆاكسينا الماسا، ءبىز پاندەميانى تىزگىندەي الماي قالامىز - فرانسۋز ەپيدەميولوگى
فرانسۋز ماماندارى COVID-19-دىڭ دەلتا- نۇسقاسىنىڭ تارالۋىن توقتاتۋ ءۇشىن ەل تۇرعىندارىنا ەكپە سالۋ كەرەك دەپ سانايدى.
«دەلتا- نۇسقامەن بايلانىستى پاندەميانىڭ ءتورتىنشى تولقىنى تەز تارالىپ، ۆاكسينالاۋدىڭ قازىرگى جوعارى دەڭگەيىنە قاراماستان، دەنساۋلىق ساقتاۋ جۇيەسىنە شىعىن كەلتىرۋى مۇمكىن»، - دەدى عىلىمي كەڭەستىڭ وكىلدەرى فرانسۋزدىق ب ا ق- قا.
«ادامداردىڭ 90-نان 95 پايىزىنا دەيىن ۆاكسينا الماسا نەمەسە ينفەكسيا جۇقتىرعان بولماسا، پاندەميانى قاداعالاي الماي قالامىز»، - دەپ قوستى ماماندار.
قازىرگى كەزدە فرانسيا تۇرعىندارىنىڭ جارتىسىنا جۋىعى ۆاكسينانىڭ ءبىرىنشى دوزاسىن، % 40- ى ەكىنشى دوزاسىن العان. رەسپۋبليكا ۇكىمەتى وسى جىلدىڭ تامىز ايىنىڭ اياعىنا دەيىن فرانسيا حالقىنىڭ ۇشتەن ەكىسىن - 35 ميلليون تۇرعىندى تولىق قورعاۋدى قامتاماسىز ەتۋدى جوسپارلاپ وتىر. كارانتيندى جەڭىلدەتۋ بويىنشا شارالاردان كەيىن فرانسيادا جۇقتىرۋ جاعدايلارىنىڭ وسۋىمەن بايلانىستى ەل پرەزيدەنتى ەممانۋەل ماكرون دۇيسەنبى كۇنى پاندەميامەن كۇرەستىڭ جاڭا شارالارى تۋرالى حابارلايدى دەپ كۇتىلۋدە.
فرانسيانىڭ عىلىمي كەڭەسى العاش رەت ءۇندىستان، انگليا، شوتلانديا، يرلانديا جانە پورتۋگاليادا انىقتالعان دەلتا- نۇسقانىڭ تارالۋىن قاداعالاۋدى كۇشەيتۋگە شاقىردى.
اۆتور: ءبيبىحان سەرىكوۆا
