الماتىدا ءتىل تارلانى ءرابيعا سىزدىقتىڭ 95 جىلدىعى اتالىپ ءوتتى

نۇر-سۇلتان. قازاقپارات - الماتىدا بەلگىلى تۇركىتانۋشى، قازاق ءتىلى ءبىلىمىنىڭ تارلانى ءرابيعا سىزدىقتىڭ 95 جىلدىعى اتالىپ ءوتتى، دەپ حابارلايدى «حابار 24».

مەرەيتوي يەسىنىڭ قۇرمەتىنە ارنالعان حالىقارالىق عىلىمي- تەوريالىق كونفەرەنسياعا ا ق ش، تۇركيا، وزبەكستان، رەسەي جانە وزگە دە ەلدەردەن عالىمدار كەلدى.

ءرابيعا ءساتىعالي قىزىنىڭ ءومىرى مەن قىزمەتى جانە قايراتكەرلىگى بۇگىنگى جاستارعا ۇلگى. عالىمنىڭ «اباي شىعارمالارىنىڭ ءتىلى»، «اباي ولەڭدەرىنىڭ سينتاكسيستىك قۇرىلىسى»، «قازاق ادەبي ءتىلىنىڭ تاريحى»، «سوزدەر سويلەيدى» اتتى ەڭبەكتەرىنىڭ ورنى ەرەكشە. «قادىرعالي بي قوسىم ۇلى جانە ونىڭ جىلنامالار جيناعى»، «ياسسايۋي حيكمەتتەرىنىڭ ءتىلى» اتتى ەڭبەكتەرى ءبىر توبە.

 فاۋزيا ورازبايەۆا، ق ر ۇ ع ا كوررەسپوندەنت مۇشەسى:

- اكادەميك، مەملەكەتتىك سىيلىقتىڭ لاۋرەاتى ءرابيعا ءساتىعالي قىزى سىزدىق - ءبىزدىڭ ۇلتتىق ءتىلتانىمىمىزداعى ەڭ ءىرى تۇلعا. ول كىسىنىڭ ەڭبەكتەرى ءبىر عانا ءتىل ءبىلىمى سالاسىن ەمەس، جالپى ۇلتتىق ءتىل ءبىلىمىمىزدىڭ گۋمانيتارلىق مەكتەبىن جاساعان ەرەكشە تۇلعا.

گۇلايىم تولەبايەۆا، اقتوبە وبلىستىق تىلدەردى دامىتۋ باسقارماسىنىڭ باسشىسى:

 - اپايدىڭ ەڭبەكتەرىنىڭ ءبارى بۇگىنگى تاڭدا ءتىل وقىرماندارىنا، ءتىل ماماندارىنا ۇلكەن قۇرال بولىپ تابىلادى. فۋندامەنتالدى ەڭبەكتەرى بۇگىنگى تاڭدا وسكەلەڭ ۇرپاققا ۇلكەن وقىتۋ بازاسى بولىپ قالىپتاسادى دەپ ويلايمىن.

www.24.kz