سالماعى 95 كەلى قىز «پەرۋ ارۋى» بايقاۋىنىڭ فينالىنا ءوتتى

استانا. قازاقپارات - سالماعى 95 كەلىلىك ميرەللا پاس بەيلون ەسىمدى بويجەتكەن «پەرۋ ارۋى» كونكۋرسىنىڭ فينالىنا ءوتتى.

ول بايقاۋ تاريحىندا فينالعا شىققانplus-size   فورماتىنداعى العاشقى قىز بولدى.

بۇل تۋرالى The Daily Mail حابارلايدى. 19 جاستاعى ميرەللا ءتاج ءۇشىن كۇرەسەتىن 10 بويجەتكەننىڭ ءبىرى بولدى. ولاردى تورەشىلەر بايقاۋعا قاتىسقان 30 قىزدىڭ ىشىنەن تاڭدادى. ول باسىندا 115 كەلى بولعان ەكەن. الايدا سايىس الدىندا 3 اي بويى 20 كەلى سالماق ءتۇسىرىپتى. ميرەللا فينالعا دەيىن ءالى دە ءبىراز ارىقتاي الاتىنىنا ۇمىتتەنەتىنىن ايتتى.

ويتكەنى ول ديەتادا وتىرىپ، سپورتپەن شۇعىلدانادى ەكەن. بويجەتكەن ۋنيۆەرسيتەتتە ساۋلەتشى ماماندىعى بويىنشا ءبىلىم الۋدا. «پەرۋ ارۋى» ءساۋىر ايىنىڭ اياعىندا انىقتالادى. جەڭىمپاز «الەم ارۋى» بايقاۋىندا ءوز ەلى اتىنان ونەر كورسەتەدى، دەپ جازادى 24.kz.