استانادا 95 مىڭنان استام ادام الەۋمەتتىك قولداۋعا يە بولدى

استانا. قازاقپارات- جۇمىسپەن قامتۋ جانە حالىقتى الەۋمەتتىك قورعاۋ سالاسى بويىنشا مەملەكەتتىك ساياساتتى جۇزەگە اسىرۋ اياسىندا استانا قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسى حالىقتىڭ الەۋمەتتىك وسال توپتارىنىڭ، سونىڭ ىشىندە تۇرمىسى تومەن ازاماتتاردىڭ ءومىر ءسۇرۋ دەڭگەيلەرىن ارتتىرۋعا باعىتتالعان جۇمىستاردى اتقارۋدا.

باسقارما حابارلاۋىنشا، 2014 - جىلى استانادا 95 مىڭنان استام ادام، سونىڭ ىشىندە 63,3 مىڭ زەينەتكەر (ۇ و س ارداگەرلەرى -  228)، 19,4 مىڭ مۇگەدەك (بالالار -  3186)، كوپبالالى وتباسىلار (5885)، كوپبالالى انالار (3936)، تۇرمىسى تومەن ازاماتتار (4 مىڭنان استام) الەۋمەتتىك قولداۋمەن قامتىلدى.

«جەرگىلىكتى ۋاكىلەتتى ورگانداردىڭ شەشىمى بويىنشا ازاماتتاردىڭ جەكەلەگەن ساناتتارىنا تولەنەتىن الەۋمەتتىك تولەمدەر» باعدارلاماسى اياسىندا مۇقتاج ازاماتتاردىڭ جەكەلەگەن ساناتتارىنا تەگىن قىزمەتتەر تۇرىندە جانە جالپى 2 222,1 ميلليون تەڭگە كولەمىندە اقشالاي تولەم جاساۋ الەۋمەتتىك كومەگى كورسەتىلدى.

تۇرمىسى تومەن وتباسىلارعا: - 290 وتباسىعا اتاۋلى الەۋمەتتىك كومەك، سونىڭ ىشىندە 1211 ادامعا 23,1 ميلليون تەڭگە كولەمىندە؛ - 18 جاسقا دەيىنگى بالالارعا تولەنەتىن جاردەماقى -  1404 وتباسىعا، سونىڭ ىشىندە 3722 ادامعا 38,0 ميلليون تەڭگە كولەمىندە؛ - 2115 وتباسىعا 159,1 ميلليون تەڭگە كولەمىندە تۇرعىن ءۇي كومەگى تولەندى.

جالپى، استانادا مۇمكىندىگى شەكتەۋلى جاندار سانى -  19372: I توپ -  2015؛ II توپ -  7782؛ III توپ -  6389؛ 18 جاسقا دەيىنگى مۇگەدەك بالالار سانى -  3186.

جەكە وڭالتۋ باعدارلامالارىنا سايكەس مۇمكىندىگى شەكتەۋلى جاندار كرەسلو-اربالارمەن، پروتەزدىك- ورتوپەديالىق بۇيىمدارمەن، تيفلوتەحنيكالىق جانە سۋردوتەحنيكالىق قۇرالدارمەن، مىندەتتى گيگيەنالىق قۇرالدارمەن، ساناتوريالىق- كۋرورتتىق ەمدەۋمەن، جەكە كومەكشى قىزمەتتەرىمەن، ىم ءتىلىن مەڭگەرگەن مامانمەن قامتاماسىز ەتىلەدى.

2014 -جىلى ولارعا 847,4 ميلليون تەڭگە كولەمىندە الەۋمەتتىك كومەك كورسەتىلدى. ەلوردادا مەملەكەتتىك الەۋمەتتىك تاپسىرىس اياسىندا قيىن قوزعالاتىن مۇمكىندىگى شەكتەۋلى جاندار ءۇشىن «ينۆاتاكسي» قىزمەتى (17 اۆتوماشينا، سونىڭ ىشىندە بەسەۋى اربامەن جۇرەتىن مۇگەدەكتەرگە ارنالعان، 8 ى مۇمكىندىگى شەكتەۋلى بالالارعا، № 65 مەكتەپكە، تورتەۋى كوزى كورمەيتىن مۇگەدەكتەرگە ارنالعان) ۇسىنىلادى. اتالعان قىزمەت 1000 عا جۋىق ادامدى تاسىمالدايدى.

اقپارات كوزى: استانا قالاسى اكىمدىگىنىڭ رەسمي سايتى