ەڭبەك مينيسترلىگى 950 مىڭعا جۋىق ادامعا جۇمىس تاۋىپ بەرمەك

بۇل تۋرالى ەڭبەك جانە حالىقتىڭ الەۋمەتتىك قورعاۋ ۆيتسە- ءمينيسترى ولجاس وردابايەۆ ورتالىق كوممۋنيكاتسيالار قىزمەتىندە وتكەن بريفينگىدە ءمالىم ەتتى، دەپ حابارلايدى قازاقپارات ءتىلشىسى.

«جىلدىڭ باسىندا وڭىرلىك جۇمىسپەن قامتۋ كارتالارى بەكىتىلدى. سول كارتا بويىنشا 950 مىڭعا جۋىق ادامدى جۇمىسقا ورنالاستىرۋ جوسپارلانعان. ونىڭ ىشىندە 231,3 مىڭ ادام سۋبسيديالاناتىن جۇمىس ورىندارىنا، 341,8 مىڭ ادام مەملەكەت باسشىسىنىڭ «10 مىڭ حالىققا 100 جۇمىس ورنى» باستاماسى اياسىندا، 320,4 مىڭ ادام جۇمىس بەرۋشىلەر ۇسىنعان بوس جۇمىس ورىندارىنا ورنالاستىرۋ كوزدەلىپ وتىر»، - دەدى ۆيتسە- مينيستر.

ونىڭ ايتۋىنا قاراعاندا، قازىردىڭ وزىندە اتالعان باعىتتار بويىنشا 117 مىڭنان استام ازامات جۇمىسقا تۇرعان.

ورتالىق كوممۋنيكاتسيالار قىزمەتىندە وتكەن بريفينگىدە مينيسترلىك وكىلدەرى ەلدەگى جۇمىسسىزداردىڭ ناقتى سانىن ايتتى. رەسمي ستاتيستيكا دەرەكتەرى بويىنشا، ەلىمىزدە 456 مىڭ جۇمىسسىز تۇلعا، 2,1 ميلليون ءوزىن- ءوزى جۇمىسپەن قامتۋشى بار.