الماتىدا بيزنەس- يدەيالاردى جۇزەگە اسىرۋعا 950 گرانت ءبولىندى

الماتى. قازاقپارات - الماتىدا بيزنەس- يدەيالاردى ىسكە اسىرۋ ءۇشىن گرانت الۋعا ءوتىنىم قابىلداۋ باستالدى.

وعان 29 جاسقا دەيىنگى جاستار جانە حالىقتىڭ الەۋمەتتىك وسال توپتارىنىڭ وكىلدەرى ۇمىتكەر بولا الادى. گرانت سوماسى 1225200 تەڭگە، دەپ حابارلايدى قازاقپارات ءتىلشىسى.

گرانتتار بەرۋ جۇمىسپەن قامتۋدى قامتاماسىز ەتۋ جانە حالىقتىڭ تابىسىن ءوسىرۋ ماقساتىندا كاسىپكەرلىكتى دامىتۋ جونىندەگى ۇلتتىق جوبانى ىسكە اسىرۋ اياسىندا جۇرگىزىلەدى.

«ش و ب قالا ەكونوميكاسىندا جەتەكشى ورىنعا يە جانە مۇندا 10 الماتىلىقتاردىڭ 6 اۋى ىستەيدى. وسى جىلدان باستاپ گرانتتاردى سەرتيفيكاتسىز الۋعا بولادى. وتىنىمدەر ءساۋىر مەن قاراشا ايى ارالىعىندا قابىلدانادى، ناقتى مەرزىمدەرى مەن كەزەڭدەرىن قوسىمشا حابارلايمىز»، - دەپ اتاپ ءوتتى الماتى قالاسى اكىمدىگىنىڭ حالىقتى جۇمىسپەن قامتۋ ورتالىعى ديرەكتورىنىڭ ورىنباسارى زافار اپپازوۆ.

ءوتىنىمدى business.enbek.kz پورتالى ارقىلى بەرۋگە بولادى. گرانت الۋ ءۇشىن مىنالار قاجەت:

- تىركەلگەن جۇمىسسىز مارتەبەسى نەمەسە مەرزىمى 1 جىلدان اسپايتىن ج ك بولۋى؛

- الماتى قالاسىندا تۇراقتى، ۋاقىتشا (1 جىلدان كەم ەمەس) تىركەلۋ؛

- business.enbek.kz پورتالىندا تىركەلۋ؛

- بيزنەس- جوسپاردىڭ بولۋى. ۇمىتكەرلەر بيزنەس- جوسپاردى وزدەرى دەربەس جاسايدى جانە BUSINESS. ENBEK. KZ. پورتالىنا ءوتىنىم جىبەرەدى

. وتىنىمدەردى قاراۋ مەرزىمى - 10 جۇمىس كۇنى. گرانتتاردى كوميسسيانىڭ شەشىمى نەگىزىندە حالىقتى جۇمىسپەن قامتۋ ورتالىعى بەرەدى. كوميسسيا مۇشەلەرى بيزنەس- جوسپاردى كەلەسى كريتەرييلەر بويىنشا باعالايدى:

- بيزنەس- يدەيانىڭ باسەكەگە قابىلەتتىلىگى؛

- وتكىزۋ نارىقتارىنىڭ پىسىقتالۋى؛

- بيزنەس- جوبانىڭ قارجىلىق ومىرشەڭدىگى؛

- كاسىپكەرلىك داعدىلار دەڭگەيى؛

- جاڭا جۇمىس ورىندارىن قۇرۋ.