فوتورەپورتاج: قازاقپاراتتىڭ 95 جىلدىعى. 2- ءبولىم
جەدەل اقپاراتتار كوپ جاعدايدا وقيعا ورنىنان فوتورەپورتاجدارمەن سۇيەمەلدەنەدى. الايدا ءبىزدىڭ فوتو تىلشىلەرىمىز وقيعانى بارىنشا اسەرلى ەتىپ كورسەتۋ ءۇشىن دەرەكتى ءتۇسىرىلىم جاساپ قويماي، ماتەريالداردى اشىق كوركەم تۇسىرىلىمدەرمەن بەزەندىرۋگە تىرىسادى. قازاقپارات ماتەريالدارى ۇنەمى جارقىن سۋرەتتەرمەن بەزەندىرىلەدى. بۇل سۋرەتتەر كەز كەلگەن فوتوكورمەنىڭ اجارىن اشا تۇسەتىنى ءسوزسىز.
ەكونوميكا سالاسىنداعى جاڭالىقتارعا ارنالعان فوتوارحيۆ - قازاقپاراتتىڭ ماقتانىشى. بۇل ەلدىڭ كاسىپورىندارىنداعى سەحتارداعى قىزۋ جۇمىس ءۇردىسىنىڭ، كەڭ دالا مەن ەگىن القابىنىڭ، قۇرىلىس الاڭدارى مەن جولداردىڭ سۋرەتتەرى. قازاقپارات فوتوكامەرالارى سىزدەر ءۇشىن ەڭ ماڭىزدى ساتتەردى سۋرەتكە ءتۇسىردى. بۇل ءۇشىن فوتوتىلشىلەر شاحتالار مەن كارەرلەرگە ءتۇستى، دومنا پەشىنىڭ ماڭىندا ءساتتى كادر تۇسىرۋگە تىرىسىپ، اس اتاسى - نان قالاي پىسەتىنىن جانە قارا التىن قالاي الىناتىنىن بايقادى. وسىلايشا قازاقستاننىڭ ەڭ دامىعان 30 ەلدىڭ قاتارىنا ەنۋ جولىنداعى جەتىستىكتەرىنىڭ فوتوفاكتىلەرى جيناقتالدى.
