كوروناۆيرۋس: 94 قازاقستاندىق شەتەلدەن انىقتاماسىز ۇشىپ كەلدى
دەنساۋلىق ساقتاۋ مينيسترلىگى سانيتاريالىق- ەپيدەميولوگيالىق باقىلاۋ كوميتەتىنىڭ مالىمەتىنشە، بارلىعى 1764 جولاۋشى ۇشىپ كەلگەن. ونىڭ ىشىندە 1670 ادامدا كوروناۆيرۋسقا پ ت ر- تەستىلەۋدىڭ تەرىس ناتيجەسى بار انىقتاما بولعان.
انىقتاماسىز 94 ازامات كەلگەن، بارلىعى دا قازاقستان ازاماتتارى. اتاپ ايتقاندا، - الماتى قالاسىنىڭ اۋەجايىنا - بارلىعى 7 رەيس قونعان، 1401 جولاۋشى بولعان، ونىڭ ىشىندە انىقتامامەن - 1350، انىقتاماسىز - 51؛ - نۇر-سۇلتان قالاسىنىڭ اۋەجايىنا - 7 رەيس، 322 جولاۋشى، انىقتامامەن - 319، انىقتاماسىز - 3؛ - اقتوبە قالاسىنىڭ اۋەجايىنا - 1 رەيس، 1 جولاۋشى انىقتامامەن كەلدى؛ - شىمكەنت قالاسىنىڭ اۋەجايىنا - 1 رەيس، 40 جولاۋشى انىقتاماسىز كەلدى.
«انىقتاماسىز كەلگەن قازاقستان ازاماتتارى كەلگەن جەرلەرى بويىنشا COVID-19-عا پ ت ر- تالداۋ ادىسىمەن تەستىلەندى جانە كارانتيندىك ستاتسيونارلاردا ءوز ناتيجەلەرىن كۇتۋدە»، - دەلىنگەن اقپاراتتا. سونداي-اق تاراتىلعان اقپاراتقا سايكەس، 11-قاڭتار كۇنى شەتەلدەن كوروناۆيرۋسقا انىقتاماسىز ۇشىپ ەلگەن قازاقستاننىڭ 163 ازاماتىنىڭ پ ت ر- تەست قورىتىندىسى دايىن بولعان. ولاردىڭ ەشبىرىنەن كوروناۆيرۋس انىقتالمادى.