07:55, 21 - اقپان 2017 | GMT +5
قىتايلىق 94 جاستاعى اجەي شوبەرەسىن كۇڭ-فۋعا جاتتىقتىرادى
استانا. قازاقپارات - قىتايداعى جىجياڭ پروۆينسياسىندا تۇراتىن اجەي كۇڭ-فۋمەن شۇعىلدانادى، دەپ جازادى Daily Mail.
جاڭ حىشيان (Zhang Hexian) جاۋىنگەرلىك سپورت تۇرىمەن ءتورت جاسىنان باستاپ شۇعىلدانعان. ەسەيە كەلە نينبو قالاسىندا تۇراتىن وزگە جانداردى دا ۇيرەتە باستاعان. قازىرگى ۋاقىتتا زەينەتكەر كۇن سايىن سپورتپەن شۇعىلدانادى، ال قارۋ رەتىندە اعاش تاياقتى پايدالانادى. اجەي ءوزىنىڭ بالاسىمەن بىرگە دايىندالادى، سونداي-اق شوبەرەسىن دە بۇعان ۇيرەتۋدە. حىشيان ءوزىن سەرگەك سەزىنەدى جانە دەنساۋلىعىنىڭ كۇشتىلىگىمەن دە ەرەكشەلەنەدى. جەرگىلىكتى تۇرعىندار ونى «رىتسار - ايەل» دەپ اتايدى. اجەيدىڭ ايتۋىنا قاراعاندا، جاس كەزىندە بەيتانىس ادامنىڭ ايەلىن ۇرىپ جاتقانىنىڭ ۇستىنەن شىققان. الگىنىڭ كەۋدەسىنەن ءبىر رەت سوققاندا سابازىڭ ەسىنەن تانىپ قالعان كورىنەدى.
