دۇنيەجۇزىلىك كوشپەلىلەر ويىندارى: بايگە جەڭىمپازى 94 كولىك ۇتىپ العان

استانا. قازاقپارات - دۇنيەجۇزىلىك كوشپەلىلەر ويىندارىندا ءوزىنىڭ سايگۇلىگىمەن بايگەدە وزىپ شىققان جەنيش باتىركۋلوۆ بۇعان دەيىن ءتۇرلى جارىستاردان 94 كولىك ۇتىپ العان،

دەپ حابارلايدى Sputnik.kg.

سەيسەنبى كۇنى جەنيش باتىركۋلوۆ 80 شاقىرىم قاشىقتىقتاعى الامان بايگەدە ءوزىنىڭ اق قۇلا اتتى تۇلپارىمەن وق بويى وزىق شىقتى.

 باتىركۋلوۆتىڭ ايتۋىنشا، ول 25 جىلدان بەرى ات جارىستارىنا قاتىسىپ كەلەدى، سونىمەن بىرگە چولپون اتاداعى «اسانبەك- اتا» جىلقى زاۋىتىندا جۇمىس ىستەيدى. «وسىعان دەيىن مەن ءتۇرلى جارىستاردان 94 كولىك ۇتىپ الدىم جانە قازاقستان پرەزيدەنتى كۋبوگىن جەڭىپ الدىم. بۇل ويىندارعا ايدان استام ۋاقىت دايىندالدىم جانە كۇتكەن ءۇمىتىم اقتالدى»، - دەدى باتىركۋلوۆ.

 ءبىرىنشى ورىن ءۇشىن ول 400 مىڭ سوم الادى. چولپون اتا قالاسىندا 62 ەل سپورتشىلارىنىڭ قاتىسۋىمەن 3-8 - قىركۇيەك ارالىعىندا 2 - دۇنيەجۇزىلىك كوشپەلىلەر ويىندارى ءوتىپ جاتىر. دكو-2016 باعدارلاماسىنا 26 ۇلتتىق سپورت تۇرلەرى ەنگەن.