قوستاناي سوتى 94 جاستاعى سوعىس ارداگەرىنىڭ قۇقىعىن قورعادى

استانا. قازاقپارات - قوستاناي قالالىق سوتى قوستاناي قالاسى اكىمىنىڭ 94 جاستاعى قاريانى مەملەكەتتىك تۇرعىن ءۇي قورىنان باسپانا ۇسىنباي قوستانايداعى پاتەردەن شىعارۋ تۋرالى شاعىمى بويىنشا ازاماتتىق ءىستى قارادى.
None
None

ءىس ماتەريالدارى بويىنشا، 2015 -جىلى جاۋاپكەر مەن اكىمدىك اراسىندا كەلىسىم شارت جاسالىپ، گەرسەن كوشەسىنەن 1 بولمەلى پاتەر جالعا بەرىلگەن.

 سوت وتىرىسى بارىسىندا انىقتالعانداي، جاۋاپكەردىڭ قىزى 2016 -جىلدىڭ ناۋرىز ايىندا اكەسى ناۋقاستانىپ استانادا ەمدەلىپ جاتقاندا، ەمدەلۋگە قاراجات كەرەك بولعاندىقتان پاتەردى ەكى اي مەرزىمگە جالعا بەرگەن. الايدا بۇل تۋرالى ارداگەر بىلمەگەن. قازىرگى ۋاقىتتا ۇلى وتان سوعىسىنىڭ ارداگەرى اتالعان پاتەردە تۇرىپ جاتىر.

ق ر «تۇرعىن ءۇي قاتىناستارى تۋرالى» زاڭىنىڭ 68-بابىنىڭ 1 -بولىگىنە سايكەس، ۇلى وتان سوعىسىنىڭ مۇگەدەكتەرى مەن قاتىسۋشىلارى حالىقتىڭ الەۋمەتتىك جاعىنان وسال توپتارىنا جاتادى.

سوت جاۋاپكەردىڭ ۇلعايعان جاسىن، 1922 -جىلى تۋعان، جانە ونىڭ ۇلى وتان سوعىسىنىڭ قاتىسۋشىسى ەكەندىگىن ەسكەردى. سوت شەشىمىمەن قوستاناي قالاسى اكىمىنىڭ ارداگەردى ۇيدەن شىعارۋ تۋرالى تالاپ ارىزى قاناعاتتاندىرىلمادى.

شەشىم زاڭدى كۇشىنە ەنگەن جوق، دەپ حابارلايدى قوستاناي وبلىستىق سوتىنىڭ باسپا ءسوز قىزمەتىنەن.

سوڭعى جاڭالىقتار