تاەكۆوندودان الەم چەمپيوناتى: قازاق سپورتشىلارىنىڭ قورجىنىندا - 94 التىن مەدال
بۇل تۋرالى قازاقپارات تىلشىسىنە جۋن ري تاەكۆاندو رەسپۋبليكالىق فەدەراتسياسىنىڭ پرەزيدەنتى الەكساندر لي حابارلادى.
«قازاقستاندىق 200 سپورتشى 94 التىن مەدالعا قول جەتكىزدى. ءسويتىپ ولار كوشباسشى اتاندى. ەكىنشى ورىندا - 20 التىن ولجالاعان وزبەكستان قۇراماسى. ال، رەسەيلىك سپورتشىلار 13 التىنعا قول جەتكىزىپ، ءۇشىنشى ورىندى مىسە تۇتتى. سايىستار قارا بەلبەۋ مەن ءتۇرلى ءتۇستى بەلبەۋ يەلەرى اراسىندا ءوتتى. الماتىعا ت م د، و ا ر، وڭتۇستىك كورەيا، ق ح ر، گەرمانيادان سپورتشىلار كەلدى»، - دەدى ا. لي.
الماتىعا ءوزىنىڭ دەنساۋلىعىنا قاراماستان دجۋن ري كەزىندە تاەكۆاندو سپورتىنىڭ نەگىزىن قالاعان بريۋس لي مەن مۇحاممەد ءاليدىڭ باپكەرى بولعان دجۋن ري كەلدى.
«اتى اڭىزعا اينالعان جەكپە-جەك شەبەرىنە دارىگەرلەر شەتەلگە شىعۋعا تىيىم سالعان. ءبىراق سوندا دا قازاقستانداعى بۇل سپورت ءتۇرىنىڭ دامۋىنا ۇلكەن ريزاشىلىعىن بىلدىرگەلى ءارى ءوز كوزىمەن كورىپ قايتقىسى كەلگەن»، - دەدى ا. لي.
سپورتتىق شارانىڭ ۇيىمداستىرىلۋىنا ق ر دجيۋ-دجيتسۋ فەدەراتسياسىنىڭ پرەزيدەنتى داۋرەن مۇسا ۇلكەن قولداۋ كورسەتتى.
اۆتور: گۇلميرا عوسمانالي
