ءدارىنىڭ جاناما اسەرى تۋرالى قازاقستاندىقتاردان 943 حابارلاما تۇسكەن

ماسەلەن، قازاقستاندا 2020 -جىلدىڭ 8 ايىندا دارىلىك پرەپاراتتاردىڭ جاناما اسەرى تۋرالى 943 حابارلاما تىركەلگەن. شاعىمداردىڭ باسىم كوپشىلىگى الماتى قالاسىنان - %14,2، پاۆلودار وبلىسىنان - %13,7، اقتوبە قالاسىنان - %10 جانە شىمكەنت قالاسىنان - %9,1 كەلىپ تۇسكەن، دەپ حابارلايدى قازاقپارات.

ايتا كەتەيىك، ق ر د س م تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ دارىلىك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعى مەديتسينالىق ونىمدەردى ساراپتاۋدان وتكىزۋمەن قاتار، نارىقتاعى دارىلەردىڭ جاناما اسەرلەرىن قاداعالاۋمەن اينالىسادى.

حالىقتان جانە مەديتسينالىق ۇيىمداردان كەلگەن بارلىق حابارلاما مۇقيات تالدانادى. كۇردەلى جاعىمسىز رەاكسيا تۋعىزعان فاكتورلارعا تەكسەرۋ جۇرگىزىلەدى، دارىلىك زاتتاردىڭ ۇلگىلەرى الىنادى جانە دارىلىك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعىنىڭ مامانداندىرىلعان ورتالىقتارىندا زەرتحانالىق سىناقتار جۇرگىزىلەدى.

ساراپتاما قورىتىندىسى بويىنشا ورتالىق پرەپاراتتىڭ تىركەۋ كۋالىگىنىڭ قولدانىلۋىن توقتاتا تۇرۋ نەمەسە توقتاتۋ تۋرالى ءارى قاراي شەشىم قابىلداۋ ءۇشىن ق ر د س م تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنە قورىتىندى بەرەدى. مونيتورينگ بارلىق وڭىرلەردى قامتيدى جانە حالىقارالىق ستاندارتتارعا سايكەس جۇرگىزىلەدى. حابارلامالاردى تالداۋ ناتيجەسى كورسەتكەندەي، نەگىزىنەن انتيباكتەريالىق پرەپاراتتاردان (%42,1)، ۆيرۋسقا قارسى دارىلەردەن (%13,7) جاعىمسىز اسەر بولاتىنى انىقتالدى.

بۇدان كەيىن يممۋنومودۋلياتسيالاۋشى پرەپاراتتار (%4,6)، قاننىڭ ۇيۋىنا اسەر ەتەتىن جانە/نەمەسە كەدەرگى كەلتىرەتىن دارىلەر (%4,6) تۇر.

«پاندەميا باستالعان كەزدە كوپتەگەن ازاماتتار دارىگەرلەردىڭ كەڭەسىنسىز، باقىلاۋسىز وزدەرى دە، بالالارى دا ءدارى- دارمەك قابىلداعان. بۇل ولاردىڭ پرەپاراتتارعا دەگەن سەزىمتالدىعىنىڭ تومەندەۋىنە اسەر ەتۋى مۇمكىن ەكەنىن ءبارى بىردەي بىلە بەرمەيدى. بيىل 8 ايدا جاعىمسىز رەاكسيالار تۋرالى كەلىپ تۇسكەن شاعىمداردىڭ سانى وتكەن جىلدىڭ سايكەس وسى كەزەڭىمەن سالىستىرعاندا از، بىلتىر 1,5 مىڭعا جۋىق ءوتىنىش ءتۇستى. بۇل ازاماتتار دارىلەردى از قابىلداي باستادى دەگەن ءسوز ەمەس. قاتاڭ كارانتين شارالارى ەنگىزىلگەن كەزەڭدە ەمحانالارعا بارۋعا شەكتەۋ قويىلعانى بەلگىلى، مۇندا ادەتتە ناۋقاستار ەمدەۋشى دارىگەرمەن بىرگە ورتالىقتىڭ سايتىندا «سارى» كارتانى تولتىرادى. ەگەر سىزدە قانداي دا ءبىر پرەپاراتقا شاعىمدارىڭىز بولسا، ءوز ەمحاناڭىزعا حابارلاسىپ، پرەپاراتقا دەگەن جاعىمسىز رەاكسيا تۋرالى حابارلاۋعا كەڭەس بەرەمىز»، - دەدى ورتالىق باس ديرەكتورىنىڭ دارىلىك زاتتار جونىندەگى ورىنباسارى بايان مولداحمەتوۆا.

ەسكە سالا كەتەيىك، دارىلىك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعىنىڭ www.ndda.kz سايتىندا ءدارى-دارمەك قولدانعان سوڭ جاعىمسىز رەاكسيا پايدا بولعان ازاماتتار ەمدەۋشى دارىگەرمەن بىرگە تولتىراتىن كارتا- حابارلاما ورنالاستىرىلعان. كارتادا دارىلىك پرەپاراتتىڭ بارلىق جاعىمسىز اسەرلەرىن، سونداي-اق مەديتسينالىق قولدانۋ جونىندەگى نۇسقاۋلىقتا كورسەتىلمەگەن اسەرلەرىن، تومەن تيىمدىلىگىن نەمەسە ەمدىك اسەرىنىڭ بولماۋىن، ءدارىنىڭ مولشەردەن تىس بەرىلۋىنە كۇدىك تۋعانىن كورسەتۋ قاجەت.

اۆتور: قانات مامەتقازى ۇلى