گاۆاي ارالدارىنداعى اۋىر تابيعي اپاتتىڭ قۇرباندارى 93 ادامعا جەتتى
تاريحي لاحاينا قالاسىن جويعان ءورت ا ق ش ءجۇز جىلدىعىنداعى كوپ ادام قازا تاپقان تابيعي اپات بولىپ وتىر.
گاۆاي گۋبەرناتورى دجوش گرين سەنبىدە قۇربانداردىڭ سانى «ايتارلىقتاي ارتۋى» مۇمكىن ەكەنىن ەسكەرتتى، ويتكەنى سوت-مەديتسينالىق ساراپتاما مايىتتەردىڭ جەكە باسىن انىقتاۋدى جالعاستىرۋدا. جۇزدەگەن ادام جوعالىپ كەتكەندەر تىزىمىندە.
گريننىڭ ايتۋىنشا، ءورت «گاۆاي ارالدارىندا بۇرىن-سوڭدى بولماعان ەڭ اۋىر تابيعي اپات. قازىر ءبىزدىڭ ماقساتىمىز - ادامداردى تابىستىرىپ، ولاردى تۇرعىن ۇيمەن جانە مەديتسينالىق كومەكپەن قامتاماسىز ەتۋ، سودان كەيىن قالپىنا كەلتىرۋگە كىرىسەمىز»، - دەپ قوستى گۋبەرناتور.
قازىرگى ۋاقىتتا ءورت باقىلاۋعا الىنعانىمەن، ونى تولىعىمەن ءسوندىرۋ جۇمىستارى ارالدىڭ كەيبىر بولىكتەرىندە، سونىڭ ىشىندە ورتەنگەن لاحاينانىڭ اينالاسىندا جالعاسىپ جاتىر.
بيلىك كۇش-جىگەرىن ارالدىڭ جاعالاۋ ايماعىنداعى ۇيىندىلەردىڭ استىنان مايىتتەردى انىقتاي الاتىن ارنايى ۇيرەتىلگەن يتتەردى قولدانا وتىرىپ، بارىن سالۋدا.
ازىرگە ىزدەۋ ايماعىنىڭ تەك %3 ى قامتىلدى، دەدى جەرگىلىكتى پوليتسيا باستىعى دجون پەللەتە. ونىڭ ايتۋىنشا، بارلىق قۇربانداردى انىقتاۋ ءۇشىن جەدەل د ن ق تالداۋى قاجەت.
ءورت تۇتانعاننا باستاپ 2000 نان استام عيمارات بۇلىنگەن نەمەسە قيراعان. ولاردىڭ كوپشىلىگى لاحايناداعى ۇيلەر.
ۆاشينگتوننان گاۆايعا كومەك كورسەتۋ كۇشىن ۇيلەستىرەتىن تىنىق مۇحيتىنداعى اپاتتاردى جويۋ ورتالىعىنىڭ مالىمەتى بويىنشا، ماۋيدى قالپىنا كەلتىرۋ قۇنى 5,5 ميلليارد دوللارعا باعالانىپ وتىر.
