ىستانبۇلدا سەيسميكالىق تالاپتارعا ساي ەمەس 93 مەكتەپ جابىلاتىن بولدى
ولاردىڭ ىشىندە 76 مەكتەپتى بۇزىپ تاستايدى نەمەسە رەكونسترۋكسيالايدى، ال 17 مەكتەپ جاڭارتىلادى، دەپ حابارلايدى قازاقپارات ۆەدومستۆونىڭ سايتىنا سىلتەمە جاساپ.
«20-اقپاندا اتالعان مەكتەپتەردىڭ وقۋشىلارىن اۋداندىق گۋمبەرناتورلاردىڭ ۇيلەستىرۋىمەن قاۋىپسىز مەكتەپتەرگە اۋىستىرادى. 51995 وقۋشى مەن 2765 مۇعالىم سەيسميكالىق جاعىنان قاۋىپسىز مەكتەپتەرگە بارادى»، - دەلىنگەن ىستانبۇلدىڭ اكىمشىلىك باسقارماسىنىڭ حابارلاماسىندا.
سەيسميكالىق قاۋىپتەردىڭ دەڭگەيىن تومەندەتۋ ءۇشىن ىستانبۇل مەكتەپتەرىنە تەكسەرۋ جۇرگىزىلدى. قالادا 1999 -جىلى سالىنعان 1418 مەكتەپتىڭ 67 ى سەيسميكالىق جاعىنان بەرىك دەۋگە بولادى، ال 1351 مەكتەپ قاۋىپتى جاعدايدا.
ەسكە سالايىق، 6-اقپاندا كاحرامانماراشتا ماگنيتۋداسى 7 بالدان اساتىن ەكى جەر سىلكىنىسى بولدى. جەراستى دۇمپۋلەرى ەلدىڭ 10 پروۆينسياسىندا، سونداي-اق كورشىلەس مەملەكەتتەردە، سونىڭ ىشىندە سيريادا دا سەزىلدى.
پرەزيدەنت رەجەپ تايىپ ەردوعان تابيعي اپات قۇرباندارىنا بايلانىستى تۇركيادا جەتى كۇندىك ۇلتتىق ازا تۇتۋ جاريالادى.
سوڭعى دەرەكتەر بويىنشا ءزىلزالا قۇرباندارىنىڭ سانى 39,6 مىڭنان استى.
