شىعىس قازاقستاندا قىس باستالعالى بەرى 93 رەت قار ءتۇسىرىلدى

وسكەمەن. قازاقپارات - شىعىس قازاقستان وبلىسىندا قىس باستالعالى بەرى 93 رەت جاساندى جولمەن قار ءتۇسىرىلدى، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءوڭىر بويىنشا قار كوشكىنىنىڭ الدىن الۋ شارالارى 93 رەت جۇرگىزىلگەن.

سونىڭ ناتيجەسىندە، جالپى كولەمى 100725 تەكشە مەتر قار ءتۇسىرىلدى.

«بۇگىن «قازسەلدەنقورعاۋ» ش ق فيليالىنىڭ ماماندارى «وسكەمەن-سيەۆەرنوە-التاي-راحمان قاينارى» تاسجولىندا جاساندى جولمەن قار جۇرگىزدى. كوشكىن ءجۇرۋ قاۋپى بار ۋچاسكەدە جارىلىس جاسالىپ، 2555 تەكشە مەتر قار تۇسكەن»، - دەلىنگەن اقپاراتتا.

ايتا كەتەيىك، ماماندار كۇن سايىن كوشكىن ءجۇرۋ ءقاۋپى بار جەرلەرگە مونيتورينگ جۇرگىزۋدە. ازاماتتارعا كوشكىن ءجۇرۋى مۇمكىن تاۋلى جەرلەرگە بارماۋ قاجەتتىگى ەسكەرتىلۋدە.