قازاقستاندىق كاسىپقوي بوكسشى نوكاۋتتان كەيىن بىردەن 93 ساتىعا كوتەرىلدى

نۇر-سۇلتان. قازاقپارات - قازاقستاندىق كاسىپقوي بوكسشى، جەڭىل سالماقتا ونەر كورسەتەتىن سۇلتان زاۋىربەكتىڭ (7-0، 5 ك و) Boxrec.com بەدەلدى سايتىنداعى رەيتينگى ايتارلىقتاي جوعارىلادى، دەپ حابارلايدى قازاقپارات Sports.kz-كە سىلتەمە جاساپ.

ۋەلس استاناسى كارديفتە نيكاراگۋالىق سەرحيو گونسالەستى (10-16-5، 7 ك و) نوكاۋتپەن جەڭگەن سوڭ، زاۋىربەك بىردەن 93 ساتى جوعارىلاپ، 280-ورىنعا شىقتى. ول قارسىلاسىن جەكپە-جەكتىڭ اياقتالۋىنا 16 -سەكۋند قالعاندا تەحنيكالىق نوكاۋتقا جىبەرگەن بولاتىن.

ەسكە سالايىق، زاۋىربەك كەلەسى ايقاسىن 6 -شىلدەدە نۇر-سۇلتان قالاسىندا وتكىزەدى. قازاقستاندىق جاس بوكسشىنىڭ مۇددەسىنە MTK Global بەلگىلى پروموۋتەرلىك كومپانياسى وكىلدىك ەتەدى.

22 جاستاعى بوكسشى التىنشى جەكپە-جەگىن ب ا ءا-دە قىتايلىق چەن حۋنتاوگە (7-5-1، 5 ك و) قارسى وتكىزىپ، بەسىنشى راۋندتا ونى نوكاۋتقا ءتۇسىردى.

ايتا كەتەيىك، س. زاۋىربەك ونىڭ الدىندا وتكەن بەسىنشى كەزدەسۋىن دە نوكاۋتپەن اياقتاعان بولاتىن.