مەملەكەتتىك تىلدەگى قۇجات اينالىمى 93 پايىزعا جەتتى
ونىڭ اتاپ وتۋىنشە، ەلىمىزدىڭ ءتىل ساياساتى «قازاقستان رەسپۋبليكاسىنداعى ءتىل تۋرالى» زاڭى جانە تىلدەردى قولدانۋ مەن دامىتۋدىڭ 2011-2019 -جىلدارعا ارنالعان مەملەكەتتىك باعدارلاماسىنا سايكەس جۇزەگە اسىرىلادى. مەملەكەتتىك باعدارلاما ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا كورسەتىلگەن مىندەتتەردى ىسكە اسىرۋ ماقساتىندا قازاق ءتىلىن لاتىن گرافيكاسىنا كەزەڭ- كەزەڭىمەن كوشىرۋدى ءتۇسىندىرۋ جۇمىستارىن جۇرگىزۋ، ورفوگرافيانى جەتىلدىرۋ، ونىڭ كوپشىلىككە قولجەتىمدىلىگىن قامتاماسىز ەتۋ مىندەتتەرىمەن تولىقتىرىلدى جانە قازاقستان رەسپۋبليكاسىنىڭ كونستيتۋتسياسىنا ەنگىزىلگەن تۇزەتۋلەرگە سايكەس ۇكىمەت قاۋلىسىمەن بەكىتىلدى.
«ەلىمىزدە 88 ايماقتىق جانە 1 رەسپۋبليكالىق تىلدەردى وقىتۋدىڭ مەملەكەتتىك ورتالىقتارى جۇمىس ىستەيدى. وقىتۋ ورتالىقتارى «ق ر- داعى ءتىل تۋرالى» زاڭىنا سايكەس تىلدى وقىتۋ كۋرستارىن ۇيىمداستىرادى. وسى ماقساتتا 2018 -جىلدىڭ العاشقى جارتىجىلدىعىندا 42 مىڭنان استام ادام كۋرستاردان ءوتتى. الايدا، الماتى قالاسى، اتىراۋ، ماڭعىستاۋ، باتىس قازاقستان جانە پاۆلودار وبلىستارىندا تىلدەردى وقىتۋ مەملەكەتتىك ورتالىقتارى جوق بولسا، كەيبىر وبلىستاردا ءبىر عانا ورتالىق بار»، - دەدى ول.
وسى رەتتە ۆيتسە- مينيستر مەملەكەتتىك باعدارلامادا كوزدەلگەن ينديكاتورلارعا قول جەتكىزۋ، سونداي- اق وقىتۋدىڭ ءۇش ءتىلدى مودەلىن دامىتۋ جانە لاتىن گرافيكاسىنا كوشۋ بارىسىندا وقىتۋشىلار مەن تۇرعىنداردى وقىتۋ ءۇشىن تىلدەردى وقىتۋ ورتالىقتارىنىڭ الەۋەتىن ارتتىرۋ قاجەتتىگىنە نازار اۋداردى.
«قازتەست» جۇيەسى نەگىزىندە قازاق ءتىلىن ءبىلۋ دەڭگەيىن انىقتاۋ ماقساتىندا 2018 -جىلدىڭ جەتى ايىندا تەستىلەۋدەن وتكەندەردىڭ جالپى سانى - 52 مىڭ 245 ادامدى قۇرادى، ونىڭ ىشىندە مەملەكەتتىك قىزمەتشىلەر سانى - 20057 ادام. اعىمداعى جىلى توعىز ايدىڭ قورىتىندىسى بويىنشا مەملەكەتتىك تىلدەگى جالپى قۇجات اينالىمنىڭ ۇلەسى 93 پايىزدى قۇراپ وتىر. ونىڭ ىشىندە ورتالىق اتقارۋشى ورگانداردا- 91، جەرگىلىكتى اتقارۋشى ورگانداردا - 95، ال ۇلتتىق كومپانيالاردا 46 پايىزدى قۇرادى. وسى رەتتە، مەملەكەتتىك ورگاندار نەگىزىنەن «قازتەست» جۇيەسى بويىنشا سىناق تاپسىرۋ، وقىتۋ كۋرستارىنا قاتىسۋ، قۇجات اينالىمىن قازاق تىلىندە جۇرگىزۋ جانە ۋاكىلەتتى ورگان تاراپىنان ۇيىمداستىرىلاتىن شارالارعا قاتىسۋمەن شەكتەلەتىنىن اتاپ وتكەن ءجون»، - دەدى اقتوتى رايىمقۇلوۆا.
«قازىرگى تاڭدا، «قازتەست» جۇيەسى ارقىلى قازاق ءتىلىن مەڭگەرۋ دەڭگەيىن باعالاۋ ق ر ءبىلىم جانە عىلىم مينيسترلىگىنىڭ قۇزىرىندا. الايدا، مەملەكەتتىك باعدارلامادا «قازتەست» جۇيەسى ارقىلى قول جەتكىزىلۋى كوزدەلگەن بىرنەشە ناتيجەلى كورسەتكىشتەر مەن ءىس- شارالاردى جۇزەگە اسىرۋعا جانە «قازتەست» جۇيەسى وقۋ- ادىستەمەلىك قۇرالدارىن باسىپ شىعارۋعا مادەنيەت جانە سپورت مينيسترلىگى جاۋاپتى»، - دەدى ول سونىمەن قاتار، ۆيتسە- ءمينيستردىڭ ايتۋىنشا، «ءتىل تۋرالى» زاڭعا سايكەس ازاماتتاردىڭ مەملەكەتتىك تىلدى مەڭگەرۋىن ۇيلەستىرۋ مادەنيەت جانە سپورت مينيسترلىگىنىڭ قۇزىرىندا تۇر.
وسى رەتتە، كەلەسى جىلى مەملەكەتتىك باعدارلامانىڭ اياقتالۋىنا بايلانىستى مەملەكەتتىك ءتىلدى مەڭگەرگەندەردىڭ ۇلەسىن ارتتىرۋ، كورسەتكىشتەرىن ناقتىلاۋ جانە قورىتىندىلاۋ ماقساتىندا ق ر ءبىلىم جانە عىلىم مينيسترلىگى ۇلتتىق تەستىلەۋ ورتالىعىنا قاراستى قازتەست جۇيەسىن دامىتۋ جونىندەگى باسقارمانى مادەنيەت جانە سپورت مينيسترلىگىنىڭ ءتىل ساياساتى كوميتەتى شايسۇلتان شاياحمەتوۆ اتىنداعى «ءتىل- قازىنا» ۇلتتىق عىلىمي- پراكتيكالىق ورتالىعىنا بەرۋ قاجەت دەگەن ۇسىنىس تۋىنداپ وتىر»، - دەدى اقتوتى رايىمقۇلوۆا.
اۆتور: مارلان جيەمباي