11:12, 11 - مامىر 2018 | GMT +5
جاسى 92 گە كەلگەن ساياساتكەر ۇكىمەت باسشىسى بولدى
استانا. قازاقپارات - مالايزيا سايلاۋىندا جەڭىسكە جەتكەن «ءۇمىت اليانسى» وپپوزيتسيالىق پارتياسىنىڭ ليدەرى ماحاتحير موحامماد ەلدىڭ جەتىنشى پرەمەر-ءمينيسترى قىزمەتىنە تاعايىندالدى.

بۇل تۋرالى Bernama مالايزيالىق مەملەكەتتىك اقپارات اگەنتتىگى حابارلادى، - دەپ جازادى ريا نوۆوستي.
ونىڭ انتىن مالايزيا كورولى مۇحامماد بەسىنشى كۋالا-لۋمپۋرداعى كورولدىك سارايدا قابىلدادى. 92 جاستاعى ماحاتحير موحامماد وسىمەن ەكىنشى رەت ەل ۇكىمەتىنىڭ باسشىسى قىزمەتىنە تاعايىندالىپ، پرەمەر-مينيستر قىزمەتىندەگى ەڭ ەگدە شەنەۋنىك اتاندى. ماحاتحير موحامماد العاش رەت بۇل قىزمەتكە 1981 -جىلى كەلگەن ەدى، سول كەزدە ول 56 جاستا بولاتىن. بۇل قىزمەتتەن ول 2003 - جىلى كەتكەن. 9 -مامىردا، سارسەنبى كۇنى وتكەن سايلاۋدا «باريسان ناسيونال» كواليتسياسىنان ەلدىڭ پوست- كولونيالدىق تاريحىندا تۇڭعىش رەت بيلىكتى الىپ وتىر. ماحاتحير موحاممادتى ا ق ش پرەزيدەنتى دونالد ترامپ قۇتتىقتادى.