12:43, 12 - ءساۋىر 2018 | GMT +5
قازاقستاندا اي-92 ماركالى بەنزين باعاسى ارزاندادى
استانا. قازاقپارات - قازاقستاندا اي-92 ماركالى بەنزيننىڭ باعاسى ارزاندادى، دەپ حابارلايدى قازاقپارات «قاز مۇناي گاز ونىمدەرىنىڭ» باسپا ءسوز قىزمەتىنە سىلتەمە جاساپ.
«12- ساۋىردەن باستاپ «قاز مۇناي گاز» ج م ق س جەلىسىندە اي-92 ماركالى بەنزيننىڭ باعاسى كوكتەمگى كەزەڭدە 4 تەڭگەگە ارزانداپ، ليترى 159 تەڭگەنى قۇرايتىن بولادى»، - دەلىنگەن حابارلامادا.
ايتا كەتسەك، «قاز مۇناي گاز» ج م ق س بولشەك ساۋدا جەلىسى 340- تان استام جانار-جاعار ماي قۇيۋ ستانتسيالارىن قامتيدى، ولار قالالاردا، رەسپۋبليكالىق ماڭىزداعى نەگىزگى تاس جولداردا، سونداي-اق قازاقستانننىڭ شالعاي اۋىلدىق اۋداندارىندا ورنالاسقان.
