زيمبابۆەنىڭ 92 جاسار پرەزيدەنتى تاعى دا سايلاۋعا تۇسكەلى جاتىر
بۇل تۋرالى سەنبى كۇنى Associated Press حابارلادى. مەملەكەت باسشىسىنىڭ سايلاۋى 2018 -جىلى وتەدى. پارتيانىڭ اتقارۋشى حاتشىسى يگناتيۋس چومبو ءىس باسىنداعى پرەزيدەنت مۋگابەنى «كورەگەندىك پەن بىرلىكتىڭ» ۇلگىسى بولعاندىعىن ايتتى.
ونىڭ كانديداتۋراسى وسى اپتادا قارالاتىن بولادى. مۋگابە مەملەكەتتى 1980 -جىلدان بەرى باسقارىپ كەلەدى. زيمبابۆەدە سوڭعى رەت پرەزيدەنتتىك سايلاۋ 2013 -جىلى ءوتتى. وپپوزيتسيا وكىلدەرى داۋىس بەرۋ بارىسىندا زاڭسىزدىقتار بولعاندىعىن ايتقانىمەن مۋگابە سايلاۋدا جەڭىسكە جەتتى. مەملەكەت باسشىسى بولسا و دۇنيەلىك بولعانشا ەل باسقارۋعا دايىن ەكەندىگىن بىرنەشە مارتە مالىمدەگەن بولاتىن. بۇل رەتتە ول ەگەر پارتيا ءتيىستى شەشىم قابىلدايتىن بولسا وتستاۆكاعا كەتەتىنىن دە ەسكەرتكەن. زيمبابۆە الەمدەگى وتە كەدەي مەملەكەتتەردىڭ ءبىرى. بۇل ەلدىڭ ەكونوميكاسى وتە قيىن جاعدايدا. بۇعان قوسا ولار گيپەرينفلياتسيامەن بەتپە-بەت كەلىپ، ەل بيۋدجەتىنىڭ ۇلكەن دەفيتسيتىنە تاپ بولدى. مۋگابەنى ديكتاتورلىعى ءارى وپپوزيتسياعا قىسىم كورسەتكەنى ءۇشىن ايىپتايدى، دەپ جازادى، lenta.ru.
