مۇنايشىلار ا ي-92 بەنزينىنىڭ قىمباتتاۋىنا قاتىستى پىكىر ءبىلدىردى
كومپانيانىڭ مالىمدەۋىنشە، جاڭا كوتەرمە باعامەن الىنعان بەنزين ساتىلىمعا شىعارىلعاندىقتان، «قاز مۇناي گاز» جانارماي بەكەتتەرىندەگى باعا قىمباتتاعان. «باعانى مەملەكەتتىك رەتتەۋ توقتاتىلعان سوڭ، كوتەرمە باعا مەن ر ف يمپورت قۇنى باعا ءتۇزىلىمىنىڭ نەگىزگى فاكتورى بولادى. ق ر جالپى تۇتىناتىن بەنزيننىڭ %30 ى رەسەيدەن يمپورتتالادى. ەكىنشى توقساننان باستاپ، مۇناي ونىمدەرىنىڭ كوتەرمە باعاسى قىمباتتادى. «قاز مۇناي گاز ونىمدەرى» ج ش س الەۋمەتتىك-باعدارلىق باعا ساياساتىنا سۇيەنىپ، تومەن باعامەن الدىن الا جيناقتاعان قورىن ساتىلىمعا شىعاردى. قور تاۋارلارى ساتىلىپ ءبىتتى، ەندى جاڭا كوتەرمە باعامەن الىنعان جانارماي قىمباتتىراق باعامەن ساتىلادى»، - دەلىنگەن «قاز مۇناي گاز ونىمدەرى» ج ش س قازاقپارات ءتىلشىسىنىڭ ساۋالىنا بەرگەن جاۋابىندا.
سونىمەن قاتار، كومپانيا «قاز مۇناي گاز» جانارماي بەكەتتەرىندەگى باعانىڭ ءالى دە نارىقتىق باعادان تومەن ەكەنىن اتاپ ءوتتى. «بولشەك ساۋدا قۇنى كوتەرمە باعامەن تىكەلەي بايلانىستى. ازىرگە كوتەرمە باعا تۇراقتالدى، بولشەك ساۋدا قۇنى دا جاقىن ارادا ءبىر قالىپقا تۇسەدى»، - دەلىنگەن حابارلامادا.
سونداي-اق، «قاز مۇناي گاز ونىمدەرى» ج ش س «قاز مۇناي گاز» جانارماي بەكەتتەرىندەگى بەنزين كولەمى تۋرالى اڭگىمەلەدى. «وتكەن جىلعى كەزەڭمەن سالىستىرعاندا، ا ي-92 ساتۋ كولەمى %30 ارتقان. سۇرانىستىڭ كوبەيگەنىن ەسكەرە وتىرىپ، تۇتىنۋشىلار قاجەتتىلىگىن قاناعاتتاندىرۋ ءۇشىن ق م گ و جانار-جاعارماي ماتەريالدارىن ۇلعايتۋ تۋرالى ءوتىنىم بەردى، وسىلايشا قوردى تۇراقتاندىرۋ مۇمكىندىگى پايدا بولدى»، - دەدى كومپانيا.
بۇعان دەيىن استاناداعى «قاز مۇناي گاز» جانارماي بەكەتتەرىندە ا ي-92 ماركالى جانارمايدىڭ قىمباتتاعانى حابارلانعان ەدى. سۇرانىسقا يە وتىن استانا مەن قازاقستاننىڭ وزگە قالالارىندا 5 تەڭگەگە قىمباتتاعان. ەندى ونىڭ 1 ءليترى 128 تەڭگە ەمەس، 133 تەڭگەنى قۇرايدى. ق جانارماي بەكەتتەرىندەگى ا ي-95 بەنزينىنىڭ ءليترى 145 تەڭگەدەن ساتىلىپ جاتىر.
