14:36, 27 - قىركۇيەك 2016 | GMT +5
جەر تۇرعىندارىنىڭ 92 پايىزى لاستانعان اۋامەن دەمالادى
استانا. قازاقپارات - دۇنيەجۇزىلىك دەنساۋلىق ساقتاۋ ۇيىمى (د د س ۇ) زەرتتەۋ ناتيجەلەرىن جاريالادى. وعان سايكەس، عالامشاردىڭ ون تۇرعىنىنىڭ توعىزى اۋاسى لاستانعان اۋماقتاردا تۇرادى. د د س ۇ بۇل سالاداعى «توتەنشە جاعداي» جايلى ەسكەرتتى.
«اۋانىڭ لاستانۋى ماسەلەسى وزەكتىلىگىن ۇلعايتىپ كەلەدى. ول ەكونوميكانىڭ جاعدايى مەن ادام ومىرلەرىنىڭ ساپاسىنا اسەر ەتۋدە. بۇل دەنساۋلىق ساقتاۋ سالاسى ءۇشىن توتەنشە جاعداي»، - دەلىنگەن د د س ۇ بايانداماسىندا.
ۇيىم اۋا تازالىعىن ولشەۋ مالىمەتتەرىنە نەگىزدەلگەن الەمنىڭ ارنايى ينتەراكتيۆتىك كارتاسىن قۇردى. اۋادا زياندى زاتتاردىڭ بولۋى قىتاي مەن ءۇندىستاندا عانا ەمەس، سونىمەن قاتار ەۋروپانىڭ كوپتەگەن ەلدەرىندە، رەسەيدىڭ ەۋروپالىق بولىگىندە د د س ۇ نورمالارىنا ساي ەمەس.
اعىمداعى جىلدىڭ مامىرىندا د د س ۇ قالالارداعى اۋا ساپاسى تومەندەپ جاتىر دەگەن شەشىمگە كەلدى. بۇل اۋرۋلاردىڭ تۋۋ قاۋپىن ارتتىرىپ وتىر. ۇيىم مالىمەتتەرىنە سايكەس، جەر تۇرعىندارىنىڭ 80 پايىزدان استامى اۋاسى لاستانعان جەردە تۇرادى.
